生日笑話。米媽經常都係咁大頭蝦到令身邊既人無言。
今日係米爸正日生日，其實我地都無咩特別，諗住夜晚隨便出去食餐飯唔駛煮同洗就得（🤣）
但因為朝早同米米去完放電，返到屋企已經三點，諗住米訓一陣先出去。點知粒米唔肯訓晏覺，俾佢出黎，已經極度hyper,我們默契地覺得呀米呢個hyper 兼醉醉地既狀態係唔適合夜晚出街食😆因爲只會坐唔定同搞搞陣，所以唯有屈就下米爸。我地決定叫外賣。
米媽：食咩
米爸：你係咪想食Pizza Hut
米媽：我淨係想食芝脆條邊咋
米爸：咁你打去叫外賣。（米爸自己手機睇Pizza Hut menu,米媽就手機上網諗住訂）
米媽（當然地，米媽係搞唔掂唔識上網落order,最後又google Pizza Hut 外賣電話） 無錯，米媽十年前同十年後都係無成長過，唔識online order ,仲係遇到同一問題搵個外賣電話都好難搵
最後搵到個網頁終於有類似既pizza hut order number
米媽打左Pizza Hut 外賣電話。米媽開左喇叭。
電話果度響左一陣音樂，接通左喇
果邊落單員： 你好
米媽：你好，我想叫外賣
落單員：好的，請問貴姓
米媽：姓莊
落單員：莊小姐請問電話幾多號
米媽：xxxxx
落單員：請問需唔需幫你留地址方便下次更快落單
米媽：好呀
落單員：請講
米媽：（於是講左一大輪終於講完個地址搞掂左）
落單員： 請問想叫啲咩
米媽：我想要超級至尊
落單員： 下，咩至尊
米媽：超，級，至尊
落單員：我地無超級至尊喎。
米爸係隔離都話，下，menu 有喎
米媽繼續同落單員講：你地餐牌有喎我地而家睇住
落單員：麻煩你講多次
米媽： 超級至尊，大批，芝脆批
落單員：呢度係m記外賣喎（落單員都唔相信有人打黎叫pizzahut,所以佢好直接誠懇咁同我講）
米媽：下 （即時o左咀無心理準會聽到呢個回答）
隔幾秒
米爸，米媽，落單員同時反應過黎爆笑左🤣🤣🤣
米媽：唔好意思我打錯
收完線，米爸繼續笑到碌地，米爸：唔怪得一開始個電話等候音樂咁熟，有啲怪怪地。原來係bababababa I am loving it.🤣🤣
米媽唔信，再望下自己上網搵既外賣電話，確係我眼大大錯左🤣🤣🤣🤣
最終，米爸正日生日都可以順利食到超級至尊😂🤣🤣🤣
pizza hut外賣電話 在 請使用電話訂購外送... - Pizza Hut Hong Kong & Macao 的推薦與評價
由於系統故障，網上訂購服務暫時停止運作，請使用電話訂購外送（233-00000）。不便之處，敬請見諒。 ... 未提供相片說明。 ... Hut網上訂購服務。對於服務受阻我們深感抱歉。 ... <看更多>