聖禮問題 — 室內和室外，實然和應然！
懶鬼已說過，疫情是迫令教會作出改變的，如果都無改變，算吧啦！
懶鬼和老友鬼鬼分享過，點解有些教會在疫情爆發時仍要堅持實體聚會？覺得最大的原因是「慣咗」。即係CCTVB慣咗一些方法就攞高收視、咁D劇的進路就繼續12345咁去啦、D遊戲節目就繼續有個上把，有兩件垃圾下把，搵D明星助陣做嘉賓，嘻嘻哈哈就繼續會有高收視，變黎做咩。就算有一個VIU TV 咁有創意的電視台，製作了一個又一個高水準節目和戲劇，都係唔會郁，因為慣咗啦。
就好似最近的《調教你男友》，係一個很好的個節目呀，睇到懶鬼留了幾滴淚。但咁又點，你覺得CCTVB會改變？VIU TV的煮食節目都翻了幾個天啦，但CCTVB的飲食節目製作仍是固我，肥媽繼續當道！
範式轉移（Paradigm shift）這概念都講咗二十幾三十年啦，但對於慣咗的教會（或教主）黎講，是沒用的，總之鬥到一兵一卒都要實體或直播。
好啦，卒之真係得返一兵一卒啦，限聚令降至2人同行，一人價錢，對於慣咗的人來說，簡直是惡耗？唔駛怕，會一直堅持實體和直播的，因為會扭盡六壬，用哂2個人的Quota，然後叫哂受薪人仕回來教會（這些人唔count），一定要Live must go on。不得不佩服，又幾有心思去諗計架喎！
其實都唔駛再討論聖餐禮應否實體定網上啦，早前大家不是已討論過崇拜可否網上做啦咩？而大家也爭相仿效了一些教會的做法，已進行網上聖餐禮了，下一步，應該就討論網上浸禮架啦，網上浸禮正呀，期待那些水花四濺的視效和聲效！
基督教兩大聖禮的神學討論，由DAY ONE開始就從未停止過，聖餐禮的爭拗你都應該聽過有變質說呀、同質說呀，記念說呢D啦，又會有人說施行地方必定要在教會內，施行者必定要係神職人員，留意返，這些人是馬丁路德和加爾文，唔係阿茂壽和懶鬼喎。至於浸禮的討論，大致上是成個身浸落去好呀、定係灑都可以、又是否一定要神職人員施浸才能接受等，即係有D福音堂教會，若找個長老執事去做，就唔啱數架啦。
咁係呢方面的討論，有本書介紹俾大家睇下，是趙崇明的《有道有禮》，都算易睇易明，書內就是講述聖餐禮和浸禮的神學。
呢D象牙式的討論真係有排拗，但而家係疫情肆虐，因時制宜都係要學習下啦，傾得黎都蚊瞓，而懶鬼最怕就係「慣咗」呢種思維，搞到弟兄姊妹疲於奔命！
最後懶鬼拋個書包，但你們會接到的。呢一年，我們常常談政治哲學，政治哲學有一本入門書，是Jonathan Wolff寫的《An Introduction to Political Philosophy》。講咩架呢，很簡單說是講「實然」和「應然」的問題，咩意思呢？
就好似呢次疫情為例，無錯，教會當然有權制定很多規限、甚至法則(懶鬼用法則這個TERM啦)，於是教會制定了崇拜的法則、水禮和聖餐的法則，這些都可以歸納為實然的問題（Actual）。但疫情來了，就要問一個應然（Should Be）的問題了，即係話咁樣做仲應唔應該，又或究竟咁做仲work 唔work？合唔合乎現況？
就像政府個個二人限聚令、日間無堂食、出外又要戴口罩，無錯，政府當然可以咁做，可以制定這些法則和規範（Norms），但去到應然啦，喂，各位天才的香港官員，其實應唔應該咁樣制定先？我們又應唔應該跟到咁做先？
知道嗎？安息日治病可唔可以這個問題，咪就係實然和應然的問題囉！
paradigm shift意思 在 老師分享了一個陌生的詞彙：「Paradigm Shift 」解作範式轉移 ... 的推薦與評價
Shift 代表轉移、轉換的意思。 ... 出生於美國，把科學、哲學都集於一身的著名學者庫恩Thomas Samuel Kuhn，發明了一個詞彙—叫“範式轉移”（Paradigm Shift）。 ... <看更多>