關於 hmvod電視app ，我們在網路上蒐集到這些相關的討論、資訊與評價

#香港限定 #高清可以點睇 #4K無可能 #SnyderCut
《Zack Snyder's Justice League 查導版 正義聯盟 》 開播前你要知道的六件事！ #如何正版高清收看
#更正 Now TV HBO 用戶也要用App收看！
⚫ 點睇到
如果客戶嘅Now TV服務有HBO，就可以响HBOGO自選點播。
陣間3點鐘響遙控撳個Now掣，主頁「DC正義聯盟重臨」果個項目就會見到上咗架，click入去睇到㗎啦
而
Now E 用戶可透過App內HBO GO 分區收看及點播！(有中文字幕)
NOW E App 只需$99/月 (優惠$79)可收看包括 HBO Go 的節目。
https://www.nowe.com/promotion/entertainment_combo_plus

⚫ 幾時睇到
香港時間 3月18日 下午3點！ 但如使用Now E App 的HBO Go 分區收看及點播，不排除有機會網絡塞車！如果鐵粉請假收看或晚上網絡高峰期收看，要有一定心理準備！

⚫ 六節全部上架？ 六節有乜分別？
6部片長4小時1分28秒 ，將會同日上架。
但因為制式問題上架片長時間可能略為不同！
1 - Don't Count on It, Batman
2 - The Age of Heroes
兩段各約30分鐘
3 - Beloved Mother, Beloved Son
4 - Change Machine
兩段約共2小時20屬主要劇情！
5 - All the King's Horses
6 - Something Darker
兩段各約25分鐘
據說有75%內容都是影迷前所未見的劇情，會走更黑暗的風格，更符合粉絲的期望。但亦有消息指故事主線與原版相似，外加劇情都屬支線性質。

⚫ 高清點睇到！
( #直接總結:畫質唔好有期望，4K要等Blu-ray)
HBO Go 可以用手機及ipad收看，而Android可以用Google Chromecast 投射到電視收看，但IOS則因為最近出現技術問題未能投射到AppleTV上(感謝癮友報料)。畫質方面電視上應該只有720p - 1080p 之間。

美劇癮會建議你
使用電腦/Mac 開Browser(建議 Edge) 觀看及用 HDMI 接電視上觀看，基本可保證有 1080p 或以上的畫質！此方法應是最接近高清而且最為相宜。

⚫如何用正版高清重溫 原版(Joss Whedon劇院版) 正義聯盟 作出比較！
不小有心人希望重看原版(劇院版)以預備與查導版作出比對，但Netflix , HBO go 的原版 已經下架，除DVD外有什麼方法呢？
大家其實可到 HMVOD Hmv Digital Group 收看！
己證實試用期能看到，但需使用點數(試用期間有60點，觀看需20點)
https://hmvod.com.hk/#/MovieIpMoble?programGuid=3a8f32e1-2968-43a4-971a-df6dbd56a439

⚫黑白版本
暫時未有傳說中的黑白版本，要等官方進一步公報！

⚫ #美劇癮YoutubeLive公告
美劇癮將會聯同 #YPR大王 將會於18日晚上7點 及 11點進行！
#PreWatchLive 及 #AfterWatchLive 同&迫大家一齊睇查導版 正義聯盟！一齊讚or吐槽 一代 神作or黑歷史誕生！

～～～ #美劇癮MeWe ～～～
★美劇癮3.0: Patreon戶口啟動 ★
https://www.patreon.com/meikeknin
★美劇癮Youtube ★
https://www.youtube.com/c/美劇癮歐美娛樂網台評論節目
★MeWe Page★
美劇癮 歐美娛樂網台節目 MeWe 2.0
https://mewe.com/p/tvdramaaddict

hmvod 有 BL劇睇呀!

#越界睇左其他未睇 #有d想睇埋其他
#各位仲有無BL劇介紹俾藍編睇

台灣hehe軍團殺到
小鮮肉 x 大叔咀仔攻陷BL

男男之愛，拖拖攬攬、咀戲床戲嘅hehe劇，以前喺香港係禁劇，但隨住手機 app 同互聯網膨脹，火速發展嘅網劇已不受內容、對白及播映時間限制。本地人氣影視網絡平台 hmvod 將引入台灣人氣 BL 劇《HIStory》，呢套劇至今已播出兩季，播出後三個月，就創下超過 350 萬 hit rate，更賣出日本同泰國電視版權，連日本院線都有播映。

《HIStory》第一季有 12 集含三個單元，每集約 20 分鐘，單元故事包括《My Hero》、《離我遠一點》、《著魔》；第二季則共有兩個各自有 8 集的單元故事，分別為《是非》及《越界》。hmvod 已定於 6 月 1 日首播，打頭砲係第一季的 4 集單元故仔《My Hero》，主角為 26 歲的台灣小鮮肉賴東賢及蔣昀霖，賴東賢憑靚樣及身型跑出，劇中他和蔣昀霖的 60 秒茄輪戲，更在一夜間成為話題。

《My Hero》講述烏龍死神誤將賴東賢女友的靈魂上錯男人身，男身女心的蔣昀霖的唯一解決方法，就是要在七天限期內令賴東賢愛上自己，兩個男人玩七天閃愛，賴東賢由直變攣，挑戰 hehe 尺度，除了騷肌及穿內褲上陣外，亦要同蔣昀霖互咀，諗唔到拍時兩位花男非常投入，導演專登唔嗌 cut，結果兩人一咀就咀了兩分鐘，播出時就得 60 秒，當時在場工作人員睇到眼凸，個個都臉紅，反而第一次獻出螢幕初吻的賴東賢就話同男仔咀嘅感覺嘅感覺好舒服，仲讚蔣昀霖嘴唇柔軟。

此外，第二季《HIStory》首個 8 集單元故事《是非》，兩位男主角包括 28 歲的張行和 35 歲的江常輝上演的一場不倫師生 hehe 亦非常震撼。江常輝在戲內飾演一名失婚男，育有一個女兒，飾演學生的張行就因為湊江的女兒而同老師撻着，江常輝同樣由直變攣，轉 channel 的演繹過程有趣，而江常輝同張行呢一 pair 更會在本周來港出席宣傳活動。

#hmvod #HIStory #電視劇 #網劇 #台劇

本土都可以係好嘢💪🏾
#撐 #hmvOD #陸續有來 #向西聞記

《向西聞記》

雖然係自己公司出品，但真係到今日先得閒睇晒第一個單元（一共 2 集），睇完好想寫一寫佢。

由電影《西謊極落： 太爆太子太空艙》兩位新導演主理，今次分別係吳漢邦監制、吳兆麟導演 （佢地唔係親生兄弟 XD)，改編自向西村上春樹嘅短篇《向西聞記》，將幾個唔同嘅故事拍成一個個單元，頭炮係由張繼聰主演嘅《畜牲傳心師》。

向西將個名由動物傳心，改為畜牲傳心，一開牌面都知唔係老正野，就我個人黎講，我相信某類人係有天賦，係可以接觸到另一個世界或類別，就如我自己，耐不時都聽到或感應到異界嘅聲音一樣。

但後天係咪可以透過「培訓」去達成異能呢？ 老實，我就未見過有人話可以後天「練成」陰陽眼喇。

所以，呢個係一個關於騙子嘅故事。

而由一班做開電影，有團火有熱血嘅班底，去打造一套電視劇，先唔好講個故事，你必須相信，單係畫面同音樂，就肯肯定跑贏 TBB 9條街！（我無偏幫自己友，你睇過就知）

好耐無睇過一套劇，係無論畫面、構圖、顏色、故事鋪排同埋音樂都咁有電影感 （唔駛同我講電視劇無間道，佢係合拍片，有大水喉射住，仲拍成幾十集，d 劇情拖到水蛇春咁長，我家下 2 集同你講完一個故事，邊個勁d？）

半小時一集，節奏明快，有笑料有 message, 題材貼地主角仲要可以響劇入面講粗口， 重點係 2 集就完，當你等埋一齊先一次過睇，都係一個鐘頭嘅事，啱晒坐唔定嘅香港人。

正如個 APP 嘅口號： hmvod 影視從此不一樣

唔係幫公司賣廣告，開台才一年，中間的確問題多多，主要係 server 同network 問題，我自己都曾經用到發忟，但每一件新野都需要俾時間佢成長，呢一年入面，我睇住呢個 APP 嘅進步，睇到同事嘅努力，我覺得值得支持。 （問心，我公司啲出品或發行，真係唔係件件得，有啲仲打死我我都唔會 share, 但入左黎快 4 年，不得不讚，的確進步神速）

而家 fb公開播放頭半集：https://www.facebook.com/hmvDigitalChinaGroup/videos/1666837530076348/?q=%E5%90%91%E8%A5%BF%E8%81%9E%E8%A8%98

想睇完整版嘅，即刻下載hmvod手機app或上hmvod網站，點擊《向西聞記》，就可以免費睇全集架喇！

hmvod免費手機app：
iOS: appsto.re/hk/TWM2y.i
Android: bit.ly/2lc4rv7

hmvod網站:
http://hmvod.hmv.com.hk/zh_hk/home