關於 drawdown股票 ，我們在網路上蒐集到這些相關的討論、資訊與評價

「得30%都拎出來講?」穩定上升，不用膽顫心驚的投資，點解唔敢講？成熟的便知道，投資重點在Maximum drawdown。

組合管理是一門藝術，而許多人通常失手於心理控制一環。施傅團隊以50萬港元開倉，距離上次四月分享的20%，穩定上升到今天的30%，慢慢升，心理負擔輕，那些今天賺40%，明天又倒輸60%，不是我們想見到的畫面。相信我，你也不會想看到這種畫面。

虛擬組合包括港股美股，指數，商品，外匯，各自擔當自己角色，組合起來達到最大利潤。

目前的回報可以給市場搶去，但是「組合管理」的技能一旦學會了的話，沒有人能偷取。

有興趣想知研究部發掘到什麼心水股票，留意：
⭐星期五施追撃
⭐3PM升級版個股分析

========
►YouTube【我要做世界】: cutt.ly/Hx49a9a
►YouTube【我要做富翁】：https://bit.ly/35LOy2J
►YouTube【富翁電視MTTV】：https://bit.ly/35dJW4Y
►Instagram：instagram.com/money_tab

以上分析只為教學及分享性質，並不涉及任何投資建議或邀約。

#投資組合 #回報 #散戶 #學投資 #施傅部署 #我要做富翁 #富翁電視 #投資不是大鱷專利

//沒有百份之百安全的投資，追求平穩增長，增長曲線應慢慢斜向，避免Maximum drawdown。//

👱‍♂️ Karen：想問如果有三百萬，應該點安全地理財同投資？剛結婚，有一子，月支出四萬，儲四萬，佢追求10%一年已可，平穩增長。

🧔施傅：你的回報要求不算進取，理財規劃因人而異，可以度身訂造，但一般來說，可以參考以下幾點：

1. 投資在不同資產，以現在經濟週期為例，可考慮分配於房地產、REITs、股票
2. 因為收入較高，可以考慮高成數按揭（7-8成）標的800-1000萬以下物業
3. 其餘現金主攻股票、REITs
4. 如有一定短炒技巧, 可以留3%-5% 以小博大

應留意，沒有百份之百安全的投資，任何投資都要控制風險，你想追求平穩增長，增長曲線應慢慢斜向，避免Maximum drawdown，心理上會舒服得多。

#我問施傅答 逢週六刊登
⭐️不論新手老手，有任何疑難歡迎留言或inbox我們，施傅團隊會盡力為你解答！
========
►YouTube【我要做世界】: cutt.ly/Hx49a9a
►YouTube【我要做富翁】：https://bit.ly/35LOy2J
►YouTube【富翁電視MTTV】：https://bit.ly/35dJW4Y
►Instagram：instagram.com/money_tab

#新手投資 #理財規劃 #學投資 #我問施傅答 #我要做富翁

［今日寫呢啲］美股好貴，有幾貴？之後會點？可以點算？

呢篇就堅咯，週末專題，篇篇正嘢。好多讀者認為呢類文一篇都值回成年嘅Patreon訂閱費

首先，同你講返美股有幾貴。相對，絶對，乜對都貴。咁我地梗係唔會低層次到話因為升咗好多就話貴。睇埋盈利，睇埋債息，睇埋相對於其他市場，睇埋相對於自己，都係相當貴 — 咁你唔信嘅，都冇計。

但當然，貴嘅嘢可以變得更貴。係丫，只係值搏率嘅問題。話「估值唔重要」嘅，同「少少錢我唔care」差不多，多數係口不對心。佢意思只係話「估值可以再上」。如果「估值唔重要」，咁不如你用10倍價值買晒我啲股票，我就可以退休架啦。你做乜唔買？「估值唔重要」喎。「貴嘅可以更貴」喎。你話，CLS啦，100蚊買到嘅嘢點解要用1000蚊買 —咪就係咯，咁你話估值重唔重要？

文中有講，高估值嗰時飛入去，當然唔一定輸錢，「貴嘅可以更貴」。正如低估值買都唔一定贏錢。但，講risk and return．入面有數計畀你睇，高估值時飛入去，之後多數回報都低，波幅就大，嚇餐飽仲要冇肉食。唔止，仲要有好大嘅drawdown—而家標普指數高位回調5%回報就叫救命嘅，我都唔知你之後點捱。

咁，既然美股估值貴，而估值貴時飛入去，往往贏面又低。咁可以點做？「唔好買」？咁買乜？定期存款定債券？照計都保證輸死。「等回調」。都啱，但等到幾時？跌落嚟又係咪敢買？你點知唔會再跌？

咁你睇段落標題都講埋，大方向，都係分散分散再散。美股好貴？「咪唔好買咁多美股」（但唔好完全唔買，「貴嘅可以更貴」）。哦OK，你話港股廢拉柴（但好多人連港股都跑唔贏，真係trainspotting，唔知嗰啲人叫乜），A股搵笨實。咁仲有好多其他市場的。

我知，美股過去十幾年都跑贏嘛，我清楚過你啦。但之前十幾年跑輸晒你又唔講？我唔知而家係咪轉角位啦，但，對上嗰次轉角位，正係科網爆煲—正係估值美股最貴嗰時。「估值唔重要」呀可？

咁另外，堅持仲買美股嘅（當然都應該買返多少），亦可以唔使買晒啲發夢股（死晒啦），甚至唔使全部增長股。你見我買愛馬士 LVMH 一樣日日新高，OK係歐洲公司。咁之前Black Rock 甚至JP Morgan都係日日新高。

係喎，我知，過去N年都係增長股跑贏嘛，正如過去N年都係美股跑贏。美股係咪轉角唔知，但增長股就已經轉咗角，跑輸比價值股啦。「明明之前年年都係增長股跑贏」

最後嗰啲，資置配置，老生常談，亦費事講咁多，自己訂Patreon睇吧。睇完覺得唔值嘅？咪月尾停咗佢（回水？當然冇得回水，睇完全相仲想回水？過去大半年啲文你都可以睇晒喎。換著啲女，個個月刪相的，我已經好均真）

最最最後，仲有一樣最簡單嘅方法：認命，接受現實。聽落好消極，但我覺得呢段先係神髓。幾咁多人投資輸錢，都係因為自大。目標不切實際。經常諗埋啲「我有100萬本，我唔貪心，希望每個月賺3萬」嘅笑話。即係唔好話你嗰36厘回報勁過股神（其實唔止36厘）。我當你每個月想賺1萬，都係不切實際。

個世界唔係咁運作的，冇得你去「打算」幾多回報。你自己去搞Patreon去搞生意，都仲可以「目標」幾多（本人就已經1600人，目標年底去到2000，「唔貪心」）。但對住市場，大家都只係Price taker。我常用嘅比喻係出海打魚，邊有得保證，一個風打埋你，你唔死返到嚟已經賺晒（2020年3月咪係咁）。又似打獵，邊得嚟「我唔貪心，今日扑夠3隻熊就收工」，萬一冇熊呢？萬一係啲熊扑你呢？（＊）

（＊）順帶一提，股票都仲係positive sum game，可以人人贏錢。期指之類就真係zero sum game（計埋交易費用就negative sum），你上山又想扑3隻熊，隻熊出山又想扑3個你。我就唔知點樣可以共存。

＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝