［一仔蝕3億，應該蝕見底了］
1. 東京時間四點（梗係半夜啦），事忙，快手寫兩句。
2. 一仔近一定兩年最大改變，當然係訂閱制，收費。利申，我有份科水。雖然其實我真係唔係成日睇，計睇嘅時間，N咁多傳媒，我花在一仔嘅時間，可能排到十名之外（咁鬼妹都係傳媒嘛）
3. 最記得最初訂閱制，大家都唔睇好，順手講下香港人嘅劣根性，加埋有啲專家（都真係專嘅）同你講紐約時報，讀者只會為啲高質內容畀錢。文字間暗示一仔啲嘢唔係高質內容
4. 盲點係，咩係高質？就好主觀嘅。事實證明，許志安黃心穎條片咪高質內容咯！爭在黑白之嘛！但我地講高質唔係高清
5. 結果呢單嘢疑似先救一傳媒一命，股價彈咗一彈（http://bit.ly/2UY6wN8），然後又香咗，歷史新低（http://bit.ly/37faNOE）
6. 咁當其時真係以為安心偷食呢單嘢係今年最爆嘅新聞啦。但果然未完全唔好咁早慶祝，何況只係四月，半場都未夠。
7. 結果半場就爆咗單叫做 反送中嘅嘢出嚟。包你估唔到。
8. 然後你發現，冇花冇假。為良心支持又好，真係幫到你了解嘢又好，有理由相信一仔啲訂閱課金大升。
9. 一仔股價，就係6月初開始爆升，低位升成倍呀。打後浮浮沉沉，但都冇跌返去低位。
10. 嚟啦喎，睇業績。4-9月收入5億6咋喎，喂，仲低過舊年同期（6億 6）喎，半年半年比都要跌，搞乜？個收入跌咁多，神仙難救，點慳到錢都死。蝕3億咪少。
11. 然後又再睇下，股東權益aka凈資產又名帳面值book value，7億咋喎。半年就蝕3億，唔燒得好耐咋喎，玩到好似有線咁。詳情睇呢篇（http://bit.ly/2SkrDEG）
12. 應該又要搵方法填了。仲有冇樓賣？
13. 不過呢，股票梗係睇將來，有理由相信一仔真係未死得，甚至翻生。
14. 好簡單，睇下，嗰5億6收入當中，有幾多係訂閱？答案係得4700萬，10%都唔夠
15. 但，留意下個時間。今次業績係4至9月嘛。蘋果幾時收錢？所謂收3蚊都係6月嘅事。呢度4700萬只係3個月。所以計比重應該double返，差不多17%。唔少嘢喎
16. 大數計得啱的，3百萬人（如出面所講），一個月3蚊，都成千萬啦。
17. 而且，到正式收費，好似話50蚊（其實我好似冇理到幾錢）個月。係8月中先推，應該冇乜點反映到
18. 當然你可以話收到50蚊個就有好多人唔睇，肯定係會。就算你話「我當你十個有一個睇好未？」（腦中即時浮現 利世民把聲，唔係講笑）。都係相當大嘅數字。又計下，3百萬人，十個有一個比，30萬。每人50一個月。一個月1500萬喎，咁半年都成億—你而家半年先5億幾收入之嘛。
19. 一個新東西幫到你整多20%收入，而似乎係唔會點影響舊收入嘅（Cannibalization是也），好難話唔成功。一年帶返兩億收入畀你喎。
20. 當然啦，呢個「我當你十個有一個睇好未？」，其實都真係可以十個都冇一個，唔知，問返一仔，我估佢地都未必會咁快話你知。但即使退一萬步講最原本嘅情況，3百萬人，我當可以去到4百萬（反送中之後一路鑊鑊高潮喎，合理期望），每人3蚊，一年都帶返億幾畀你，幾好架啦。
21. 最近睇到（唔好意思有啲跳線，五點鐘啦大佬），好似話肥佬黎話過動新聞有75萬人科水（http://bit.ly/3410nA3），我理解就係50蚊個月。
22. 咁再計多次，喂，一年4億半喎大佬。夠你轉虧為盈咁滯啦。仲要我理解呢啲收入，近乎係冇額外成本嘅。當然你最初要搞一大堆IT嘢，但一來係一次性，二來應該都入晒數啦！
23. 所以呢，股票係永遠睇將來嘅，睇呢個蝕錢幾億嘅數，冇乜意思。
24. 所以，一仔一路咁蝕梗係唔係辦法。問題係唔會一路咁蝕（掛？），下次條數應該靚仔返。
25. 最後，阿里巴巴喎，未得閒寫。但梗係等到最後一刻先決定抽唔抽，星期三截嘛？咁梗係星期三先決定。點解？因為睇埋美股嘛，留意下佢點定價。
cannibalization意思 在 Invention、Innovation都是「創新」，差別在哪裡？ | T客邦 的推薦與評價
有的人熟悉英文之後，反而不知道如何用中文來準確表達英文裡的意思，於是說話的時候， ... Cannibalization risk is a major factor in evaluating innovation. ... <看更多>