2016-09-01 16:16蘋果日報 – 即時娛樂
【Big Four接班人】做C AllStar新歌監製
蘇永康極力推薦四子演員
C AllStar 同 #蘇永康 今日喺商台宣傳新歌《聲音騷(永康)了》，蘇永康為佢哋擔任監製，佢笑指C AllStar拍MV嗰陣完全表現到男士見到心目中個BB嗰種發姣嘅感覺：「個個都變哂比卡超，不過我就唔係嘅，你知平時我老婆幾強架啦，佢見到我就變比卡超啦。」
蘇永康又話好滿意C AllStar 嘅表現：「拍完呢個MV，我同寰亞電影、電視大力推薦佢哋做演員。」
C AllStar 嘅阿King剛剛完成首部單飛電影，佢話：「幾好嘅，不過拍戲好長時間，好攰，每日淨係瞓得3、4個鐘。不過o依家30歲頭，仲可以做返17歲拍青春校園劇，都幾開心。」
其他成員就話要各自出去睇下世界，都想單飛發展再組合返，蘇永康都鼓勵佢哋多啲各自發展：「好似SMAP同BIGBANG咁，都係各自發展再合體。」
C AllStar 仲透露下年想再開紅館演唱會，蘇永康話推job都會為佢哋做表演嘉賓。
至於蘇永康好友陳子聰早前腸胃不適入院，問到而家嘅身體狀況？佢話：「佢好好呀，差唔多出院，胃口好好。佢係食肉獸，醫生都叫佢食多啲肉，我哋仲日日WhatsApp，而家佢精神好好。」
c allstar king老婆 在 C AllStar成員King聖誕報喜與圈外女友已註冊兼生B - YouTube 的推薦與評價
C AllStar 成員 King 聖誕報喜與圈外女友已註冊兼生BC AllStar 一連三場嘅戶外演唱會喺聖誕夜吸到尾場，當中成員吳崇銘阿 King ，就選擇喺呢個普天同慶嘅 ... ... <看更多>