竟然係去到海運戲院齊齊"You are tearing me apart Lisa!"，有幸睇到嘅影迷好好珍惜，一定係你一生最難忘觀影體驗之一！
自己搞過兩次吃力不討好嘅電影講座兼分享會，深知搞一壇嘢顧慮嘅問題有幾多、要周旋嘅Party有幾累，即使我未必去到，都好佩服呢班朋友搞呢個活動！
到底點解要被匙羹，睇完你咪知XD
Oh Hi Mark!
【IG請follow】www.instagram.com/travelerwithmovie
👉🏻簽名會1月將再度舉行，請即報名：goo.gl/wLLCcQ 👈🏻
✌🏻小弟用五年時間籌備的小說首批反應熱烈，火速售罄，第二批現已到港，歡迎直接訂購：goo.gl/zXHRga！
台灣書局兼網上平台亦已經上架，可去文中連結購買：goo.gl/xzCymP
多謝支持！🙏
【非常重要通告📢 暨鄭重道歉🙇】
關於掟匙羹一事，一直以來我地都冇正面回應大家，係因為當我地向戲院方面資詢時，戲院婉拒了呢個請求，理由係銀幕十分脆弱，我地book的the Sky 3院屬於細場，座位同銀幕距離較短，銀幕被匙羹掟中機會大，會容易造成損壞，銀幕價錢不菲，換幕需時，會影響該院恆常運作。
我地明白戲院的顧慮，唔想任何人成為殺幕兇手，但作為fans好希望可以保留呢個儀式，加上陸續有唔少人在post留言及inbox我地問可唔可以掟，都唔想令大家失望，再積極向戲院爭取，提出幾個可能方案，例如輕手拋物線掟落地、垂直拋上天、甚至係掟我地兩條木咀，總之令匙羹同銀幕接觸到的機會係零！但戲院仍然覺得我地冇辦法100% 保證到唔會有意外，尤其是係當大家在黑暗中激動興奮時，就更加難以控制；我地曾經提議以即棄匙羹作戲飛設計，都因為唔想引起聯想而不獲批。
正當我地感同身受到「You are tearing me apart」的煎熬，打算忍痛宣佈禁止掟匙羹之際，戲院方面鑑於我地鍥而不捨，提議轉場，由本來的the Sky轉去海運戲院，並由原本兩場合併為一場。海運是大型戲院，座位多，有落地巨幕，行距闊，中間仲有個partition分隔了頭六行的座位，戲院認為只要大家係坐partition後，應該點掟都掟唔中個幕；而合併兩場後，人數二百多人，一齊掟匙羹個氣氛應該正好多，匙羹戲飛設計亦獲重生。
衡量過大家掟羹的需求、轉場所需的資金及以影響最少人為大前提下，我地決定將原本the sky兩場screening，合併轉到海運戲院進行，資料如下：
日期／時間：2018年1月12日（五）21:45
地點：海運戲院 Grand Ocean
票價：不變
至於點解選擇犧牲星期六場，係因為早前填Google form的資料所得，我地發現星期五場次選擇人數較多，加上在「所選的場次已爆滿，你會否看另一場次」這個項目，選星期六而不介意看星期五的人比較多，所以決定保留星期五場次。我地已聯絡所有星期六場次受影響的人仕，作出轉場或退款的安排，如果你揀左星期六，又收唔到我地email，請向我地聯絡呀。Confirm左星期五場次的人，如果對場地轉換有疑問，歡迎查詢。現在座位數比原定總數增加了數十個，waiting list人仕我地亦會聯絡你。見到呢個post又燃起性趣的人，可以繼續填form登記。
搞呢個放映的難度同複雜性比我地想像中高。一開始只係target 200個人，諗住搵個細場圍威喂就算，仲好撚驚重演亞視掟壽包。然後當被ban唔可以掟羹，我地想歸究「土地問題」，外國地大戲院大，香港就要膝頭掂住個幕，連掟羹空間都冇！又想歸究冇錢，有錢可以book曬成條院線、落billboard廣告、掟刀界爛曬所有幕再包起換幕個價。但係，歸根究底，係我地太衝動，冇好好考慮過大家的需要，恨柒難返，未有公關之前製造左咁大個關公，要鄭重講聲：對！唔！住！我地不停甩轆（a.k.a.柒碌），你地都好包容，inbox又多謝又加油又讚我地有心咁，真係令人覺得人間有情！The Room 14年後先第一次在港搞戲院放映，我地都想大家開心咁玩。如果大家冇得掟、要偷偷掟、就住掟、谷住道氣掟，唔可以感受到睇The Room的快樂，我地就對唔住Tommy的厚望了。所以，到時請大家盡情掟，唔好辜負呢個得來不易的機會。我地自知罪孽深重，如果大家仲係有d唔gur，到時可以用羹掟下我地，但千祈唔好鞭打本王！
最後，多謝嘉禾院線配合。
訂票表格：https://goo.gl/forms/5w7d7pkhEoWVbw4g2
#TheRoominHK
Golden Harvest 嘉禾院線
#DontPlanTooMuch
#ItMayNotComeOutRight
