我是一杯失望的雪糕。話說今日發生一件事，令我超級唔開心。
本來我可以從頭開始cap圖抒發失望、不滿同埋求真理。
不過算，正所謂 #唔好令人難做
但點解我都想不記名出個post，係想同大家表達下，我、身邊／其他好多創作人，做創作或任何事情時，好多時只係需要一份基本尊重同禮貌。
簡單來講，有小店商家喺冇預先向我合作邀請 / 知會的情況下，推出了有銷售成分而且令人誤會是我們聯乘合作而推出的商品。
起初見到第一個感覺，係好感謝哩位朋友嘅朋友對我攝影作品嘅喜愛，自己都秒like咗。但仔細看過貼文內容後，覺得：咦對方用我作品二次創作出商品來銷售，應該要同我講聲喎。雖然知道對方好喜歡我嘅作品，但做法明顯有不當。
向對方善意提醒返：好多創作人都因為同類事件而有不愉快經歷。如果想創作一樣有原作參與成份的創作，當中涉及到商業消費行為時，基本操守係要同原作者諮詢，當中的道理實在顯淺易明到其實就基本到同一個人打招呼一樣；如果唔牽涉商業成份，just for fun，當然歡迎大家自由創作了。
本來就係小事一樁，如果對方承認自己有少少處理失當，解釋自己因一時不慎而造成誤會，一句道歉（就算冇誠意我都接受），畀返少少尊重我，就沒事啦，彼此之間可以繼續互相支持，簡簡單單。
然而我好有禮貌地了解，畀曬下台階對方，兼耐性地解釋以上嘅「打招呼」道理，卻反被對方連珠炮發、偷換概念、情緒勒索，諸多藉口地歪理當真理，仲大條道理，屈我屈佢，覺得買過一張postcard就等與買了版權可以消費我（我真係唔知係真心定係無知），最後明示咗一句令我好唔舒服嘅說話，唔舒服到令我中午喊到黃昏連飯都未食，意思係，認為我的創作 / 處事係冇初心。
我怕當事人會散播跟事實不符的指控（例如可能會話我唔支持良心小店？例如周圍話海倫係個冇初心／冇心嘅攝影師？），我就特別想出個post為自己辯護。
其實如果大家岩傾理念相同，大家有基本禮貌，彼此尊重，一起參與討論合作又何妨？免費幫小店宣傳又何妨？我最愛良心小店。
佢明示唔再支持我，我當下好難過，兼黑人問號點解我作為被侵犯一方反被佢指責成我唔通情達理般，仲要被轟炸一堆說話令我難受。後來想到，會歪理當真理，明明自己做錯卻唔承認更反過來暗責我的人，都唔會真係識欣賞我同我作品的人，我都唔洗太唔開心。
我最後仲好好感謝佢對我以往嘅支持，因為一直覺得哩幾年轉職做攝影，尋回初心兼找到自己，加上大家支持鼓勵先會令我拾回多點正能量生存到今日。
同時想講返，哩兩個月日以繼夜默默做緊嘅事情，正正就係不為利益地保持初心。
我好少會咁樣講啲咁不愉快嘅事件出嚟，宜家不記名不cap圖地表達返，除咗係喺唔好令人難做嘅情況下有必要抒發一下近日對人間觀察失望透頂嘅複雜心情（如果唔係可能會鬱死），而且都想藉此強調返 —
唔好以為我好好蝦，唔好以為我冇底線，唔該畀返少少尊重我。
完
#海倫視角
顯淺易明 在 【顯淺易明】... - 彩興苑Choi Hing Court 的推薦與評價
【顯淺易明】 與彩興苑同屬居屋有35年樓齡的麗晶花園，其業戶解說法團、業委會、管理公司配搭當中的利弊，更具說服力！ 冇法團v.s. 業委會v.s. 有法 ... ... <看更多>