《我有理由相信香港贏贏下，會贏到個世界盃返來架...》
(聽日就係立法會「一定要(唔)得」嘅日子...)
不如講下其他野relax下，聽日派咁多警犬保護垃圾會議員安全，咁驚，起個切爾諾貝爾核電廠石棺，CUP住個垃圾會大樓同政總啦笨。
我有理由相信，香港贏贏下，今舖會贏到個世界盃返來架...
大陸人成日都好做唔做，年三十晚謝灶，多謝佢地做埋哂D 無無謂謂野，多謝中國足協智障嘅designer設計「有層次」嘅slogan，我知你唔係智障，你係想用激將法令我地「萬眾同心公眾金」咁團結起來。
今晚又贏啦...
港隊主場鬥馬爾代夫，以2:0擊敗對手。呢個情景真係好熟口熟面，真係好周星星少林足球呀，兩戰全勝6分續居榜首，仲力保不失球。下場會唔會好似少林足球隊咁出現50比0，好令人期待呀。
我真係完全唔識足球，但真係好感動...
老實講，好多朋友叫我霍金，當然唔係因為我搵到黑洞嘅來源啦，而係我試過連續15個鐘打側訓睇電視黎親條頸，完全唔郁個狀況好似霍金。我除左知足球用腳踢之外，我真係對足球運動完全唔理解，但見到一片紅海撑港隊，真係好感動。
攻呀攻快搶攻，射呀射射它吧...
外圍賽旺角場波飛賣斷市，港隊波衫賣斷市。東張西望會訪問港隊啦啦隊，士多會賣Hongkonger 紅色Tee，噓聲噓到電視台唔敢播國歌。有希望架啦，我地一齊運用8 號波唔想返工返學，祈求唔好落波嘅念力，支持港隊爭奪世界盃。唔係妄想架，麥兜跟黎根學爬電視組合櫃個時，都冇諗過搶包山都可以復辦啦，比D信心，我地一定得架。
電視組合櫃 在 多功能電視柜電視組合櫃20006 20007 - YouTube 的推薦與評價
多色可選：多木質可選：實木顆粒板、多層實木板、生態板多規格可選，另可訂制規格：地址: 觀塘工業中心三期十二樓T室address: Flat T, Floor 12, ... ... <看更多>