Search
嚟到夏天食條冰凍雪條真係唔少得🌞
今次雀巢®️ MEGA™️ 系列出嘅新口味
真係啱哂大家啦😍❤️
.
海鹽焦糖雪糕批外層為香脆朱古力脆皮
內層則是幼滑雪糕混合海鹽焦糖醬
鹹甜適中富層次感😍😍
每一啖都帶嚟濃郁海鹽焦糖嘅享受🤩
.
⚠️百佳超級市場及各大超市均有發售⚠️
.
#雀巢MEGA雪糕批 #雀巢MEGA
#朱古力脆皮 #海鹽焦糖 #大大樂脆
#多層次口感 #夏日消暑推介
#icecream #summer #夏日
#dessert #food #foodie #foodporn #chocolate #gelato #yummy #instafood #delicious #icecreamlover #love #foodphotography #sweet #summer #desserts #instagood #foodstagram #cake #foodblogger #ice
成三十幾度高溫, 無論身處戶外定戶內,
總係想食返d冰凍甜品~
.
雀巢®️MEGA™️新口味【海鹽焦糖雪糕批】
脆脆朱古力脆皮外層, 包住綿滑牛奶雪糕,
大大啖咬落去, 脆皮脆得有聲!
牛奶雪糕中加入了少少雲石般嘅海鹽焦糖✨,
鹹甜平均岩岩好又唔膩,
有單支裝, 仲有四支家庭裝ga!👨👩👧👦
.
📍銷售點: 百佳超級市場、惠康超級市場及各大超市
.
#雀巢MEGA雪糕批 #雀巢MEGA #朱古力脆皮 #海鹽焦糖 #大大樂脆 #多層次口感 #夏日消暑推 #甜品 #雪糕 #雪條
個世界有兩種雪條係我既飛佛，第一種係雀巢Mega出既Oreo雪條；而另一種，就係Oreo自己出既Oreo雪條。但係今日，我竟然買左第三種。唔係因為做特價，你睇埋落去，我話你知點解。
話說今日傍晚，我同cmo拍拖，去左奧海城二期間Marketplace度買野，我亦順手响冰櫃度攞左包一盒四支既Mega雪條擺落車。
「靚仔，做咩唔幫我買呀？」
我呢頭閂冰櫃啫，後面就傳黎一把女人聲，係個負責Haagen-Daz推廣既阿姐。
起初我不以為然既，心唸：靚咩仔丫，都係想sell野啫！加上我今日本身都病病地、無梳頭，求其笠頂cap帽就出街；個下巴，仲掛住個淺藍色外科口罩添！好難同個「靚」字扯上任何關係囉！
「我麻麻地綠茶味架乍！」主要係我已經買左，而我又好少俾人sell買任何野既，所以我睇左兩睇佢啲野，就諗住求其搵個藉口打發左佢。
「咁買朱古力丫！」
「唔好喇，我唔俾我個仔食太多朱古力架！」臨時臨急，我又唸左第二個藉口出黎。
「下，你買俾小朋友食架？咁士多啤梨啱啦？」响呢一瞬間，我個心有少少郁一郁，因為牛仔既飛佛真係士多啤梨！而就像呢一個千鈞一髮之際，佢竟爆出一句⋯⋯
「你係咪逢星期二都上無綫架？」喂拿！佢呢句說話一出，我成個人當堂為之一振喇！
「你都幾眼利個喎！我咁你都認到？」
「我梗係認到，你叫Stevan丫嘛！」
老實講，我响街度俾人認到肯定唔係第一次，尤其係我經常蒲奧海城，包括我個仔學琴間琴行個老細、二樓酒樓個企堂阿姐，仲有兩次行日本城都試過撞到fan屎。之但係一講就講得出我個大名既呢，又真係無乜幾個。
「哇你唔單止眼利喎，仲好好記性添喎！」
「我成日睇你節目架啦，我仲打過電話上黎添！」講到黎呢度，我承認我開始對依個阿姐產生左好感。
「拿，你幫我買，我再送多杯乳酪俾你又點話？唔收你錢。」其實响佢未拎呢杯仔乳酪出黎之前，我心底裡已經落左搭——雖然，我眼角見到cmo响後面一邊揀米，一邊已經恥笑緊我。
「好啦好啦！」老實講，難得有人咁欣賞我，我洗果區區60蚊買多四支雪條返去，就算唔好食又有乜所謂？
跟住，佢開始猛烈既攻勢喇⋯⋯
「我買股都係長揸用黎收息既，你有咩推介？」我心唸：阿姐果然快人快語呀下，好，就醒你一隻領展（823）啦！（下刪近半分鐘到底係領展好，抑或電盈（8）好既討論。）
「我走先喇，祝你賺多啲！」臨走之前，我禮貌地同個阿姐道別。其實我對任何响街上認得我既人都會講呢句既，因為我相信炒股既人不外乎都係想贏錢，就好似你入投注站，櫃台個阿姐都會同你講「祝你贏多啲」一樣。但我真係無唸過有人會應呢句說話⋯⋯
「賺咩多啲丫？我咪又係日日响度賣雪糕。快啲俾多幾個冧把黎啦！」果一刻我都唔知點應，個阿姐既急才係有啲料到！
然後當我離開左，行到去另外一條行之後，我仍然聽到個阿姐繼續好有中氣咁同佢身邊既一個客人講⋯⋯
「係呀⋯⋯無綫81台呀⋯⋯星期二朝早啊⋯⋯」直到佢繞樑三日既聲音一路隨住我越行越遠而收細⋯⋯
結果，我亦好心甘情願咁，去櫃台買左呢盒Haagen-Daz既士多啤梨雪條。
#多謝妳 #雪條阿姐
