[舞台劇][霜遇] 之前因為疫情取消咗演出，到今個劇季終於睇到。
挪威編劇Jon Fosse喺2000年寫嘅呢套《Winter》非常「開放式」。佢只係畀你睇到故事嘅某啲片段，仲要唔係情節發展嘅時刻，而係事件發生之後嘅低位。兩個角色嘅對話冇頭冇尾，但係觀眾仍然可以喺編劇留低嘅嘢當中，想像呢一男一女係咩人、咩關係、喺幕與幕之間發生咩事。編劇應該係寫好晒個故事，再有技巧咁盡量抽走情節，得返個框架，僅僅夠你想像來龍去脈又唔會令故事走散，好crazy。
觀眾憑自己嘅經驗同想像創作，每個人會睇到唔同嘅故事。導演邱廷輝同埋演員余翰廷、黃慧慈喺演後座談時，提到佢哋冇講過畀大家知各自心中想像嘅故事。排練時遇到有矛盾就提出、調整，再由導演mon住。兩位演員話喺語氣情緒方面要啱啱好，太多太實在嘅話會限制咗觀眾嘅想像。
導演同演員三個人三個腦，喺編劇嘅框架下會想像出唔同嘅故事。最後喺三個人加埋觀眾都覺得成立嘅情況下，完成演出，成件事好神奇。唔知喺演期之後，佢哋三位會唔會分享返心目中嘅故事情節係點？導演話個劇本除咗對白之外，冇乜其他嘢寫低，勁想睇吓個劇本。
《霜遇》係一套對導演、演員、觀眾都好衝擊嘅舞台劇。有一定劇場經驗嘅觀眾，值得入場感受吓原來可以咁玩法。
依家仲淨返5月21、22晚，同埋23號下午三場。同時間做緊嘅《父親》係好睇，但呢套都值得睇。（考慮吓帶外套因為有啲凍）（黑盒劇場free seating，先到先揀位）
[購票]
https://www.popticket.hk/event/winter
https://ticket.urbtix.hk/internet/zh_TW/eventDetail/41756
#香港話劇團 香港話劇團 Hong Kong Repertory Theatre
#霜遇
導演：#邱廷輝
編劇：#JonFosse
翻譯：#鄧世昌
演出：#余翰廷、#黃慧慈
[節錄香港話劇團介紹 Jon Fosse]
「我的寫作都是關於生活的本質，最基本的情感、最本質的處境。」Jon Fosse《東方早報》
黑盒劇場《霜遇》由挪威劇作家 Jon Fosse 編寫，他被譽為當代最重要的劇作家之一，曾獲布拉哥文學獎（Brage Prize，2005）、易卜生國際戲劇獎（International Ibsen Award，2010）和歐洲文學獎（European Prize for Literary，2014）。
他的戲劇世界由挪威延伸到亞洲、南美、東歐以至世界不同角落，作品被翻譯成40個國家的語言，並曾在世界各地的舞台上演出超過900次。身兼劇作家、詩人和作家的Jon Fosse，他的作品有獨特的氣質與節奏，帶領觀眾作多層次的想像和探索，感受不同的空間及情感。其筆下的角色大多被困在一個無名的空間，角色沒有確切的名字，演出時而緊張，時而靜謐，情緒不斷變化並傾注入空間內，刻劃人生中的寂寞、迷失、痛苦等，反映出現實生活中的氛圍。
邱廷輝 在 #邱廷輝 - Explore | Facebook 的推薦與評價
一男一女在小島邂逅。男子以島為偶然的中轉站，然而女子卻以島為其永恆的根據地。他要忘掉時間，她想留住記憶；他想離開，她要留下。各自漫不經心的對話，似在生活的 ... ... <看更多>