【情人節特獻】我要睇男朋友部手機（下）
上集：https://bit.ly/3rVBcdX
我打聽呢兩宗失蹤案，兩個女仔嘅屋企人話，當年阿傑作為前男友，有被警方調查過，都冇發現謀殺或者禁錮嘅痕跡。
只有真正偷睇到阿傑部手機，先有機會解開呢個疑團。
以前想睇手機，只係女人嘅嫉妒心作祟。
依加睇手機，係為咗搵到真相，係為咗正義！
我意識到，以阿傑嘅防衛心，我冇可能用正常手段偷睇到佢部手機。
我必須要用更高成本、高科技嘅偷睇方法。
我知道阿傑一直都想換新iPhone，我咬咬牙，買咗一部新嘅iPhone12。
電話裡面安裝咗最新嘅隱蔽監控軟件，只要阿傑將舊手機嘅資料過落新手機，我就可以喺電腦裡面，睇晒所有訊息同通話記錄，仲會有埋阿傑嘅實時定位。
阿傑好開心咁收咗部手機，之後我返到屋企，滿心期待咁打開監控軟件。
點知，手機裡面嘅資料好奇怪……根本唔係阿傑，而係一個陌生人。
但我再見到阿傑，佢真係用緊iPhone12。
換句話講，阿傑賣咗我送畀佢嗰部手機，另外買咗一部新嘅iPhone12。
但我唔可以話佢知，我安裝咗監控軟件，所以我都唔應該知道，佢換咗另一部iPhone。
我白白花咗咁多錢，咩資料都得唔到，我個心憋住憋住，真係好辛苦。
但我已經諗唔到新方法，去偷睇阿傑部手機。
終於有一年情人節，喺阿傑屋企食飯，佢又側側地拎住部手機，喺度撳撳撳嗰陣，我忍唔住一手搶咗佢部手機。
「做乜嘢？」阿傑大驚。
我咬牙切齒咁講：「我係你女朋友，我依加要睇你部手機。」
阿傑想搶番部手機：「私隱嚟㗎。」
「你半夜同人講電話又係私隱？你前度失蹤咗㗎啦喎，嗰個『婷婷』又係邊個嚟？」我死死抓住部手機，連珠炮發咁問。
阿傑縮番手，唔再嘗試搶手機，佢問：「係咪個個女人，都會想睇男朋友部手機？」
我睥住佢：「你唔畀我睇，我哋就分手！」
「唔好話我冇提你，我叫咗你唔好睇……」阿傑長嘆一口氣。
我急忙打開訊息，一直碌都見唔到婷婷個名。
「你係咪刪咗訊息？」我一路問，一路撳去睇通話記錄。
突然間，我眼前一黑，再睜開眼嗰陣，我見到好多個apps，但每個apps嘅圖案都勁大。
我好似身處電話內嘅世界，被apps圍繞，前後左右全部都係apps。
我大叫、我亂衝亂撞，但啲apps全部都冇反應。
最後我撳咗「通話」，耳邊傳來阿傑把聲：「喂，你入咗去啦？」
我大叫：「你做咗啲乜嘢？快啲放我出去！」
「係你自己要入去㗎……」阿傑慢慢解釋。
據阿傑所講，佢有一種神奇嘅魔力，偷睇佢手機嘅女人，就會被吸入手機內。
佢本來都唔知呢件事，直到初戀女友失蹤，再打電話畀佢，佢先知初戀被困喺一個奇怪嘅空間。
空間內只可以用「訊息」同「通話」，而且唯一聯絡到嘅，就係阿傑部手機。
佢哋用咗好多方法，都冇辦法救番佢出嚟。
初戀要求阿傑公開呢件事，但阿傑唔肯，怕自己俾警察拉，怕自己俾人解剖做研究。
初戀怨恨阿傑，佢哋嘅感情迅速消磨，好快就「分咗手」。
但初戀唯一聯繫到嘅人，就係阿傑。
所以佢不斷騷擾阿傑，阿傑不勝其煩，換咗部手機，將初戀「封印」喺櫃底。
換咗手機，亦換咗新女友。
阿傑同咗婷婷一齊，為免悲劇再發生，阿傑再三表明，自己唔想俾女友睇手機。
點知，咁樣反而引起咗婷婷嘅疑心，婷婷偷睇手機，歷史再次重演……
到阿傑識咗我，佢仲用緊困住婷婷嘅手機，希望婷婷接受到「被困手機」嘅現實。
婷婷比初戀冷靜，但婷婷堅信，阿傑係有方法放佢出嚟，所以間中都會騷擾阿傑，哀求佢高抬貴手。
「後來你送部iPhone畀我，我諗我應該move on啦。」阿傑嘆氣：「但我估唔到，我點樣嚴防死守，你都會偷睇我部手機。」
女人總係想知道另一半嘅秘密，
但真相，往往唔係我哋可以承受嘅。
—完—
將專頁設定為「搶先看」/ "See first"，最新故仔馬上睇！
新書《筍工重生高科技》已經出版了，現正發售中，
詳情可點擊這裡：https://bit.ly/32hgoSN
你的支持是我最大的動力！
#短故 #短篇 #小說 #陳美濤 #廣東話 #粵語 #tomatochan #我要睇男朋友部手機 #情人節
通話記錄iphone 在 [問題] 更新16.2之後通話記錄亂碼- 看板iOS - 批踢踢實業坊 的推薦與評價
【一般問題】
機型名稱：iPhone 12 pro 128G
（建議但不強制使用正確名稱）
系統版本：16.2
(設定→一般→關於本機→版本)
問題描述：
昨天從iOS 15直接更新到16.2
發現到更新後的通話記錄上全部變成亂碼
而且部分通話還會寫成 A 與 B (但其實只有一通電話)
如下圖 還請問是否有解決的方法？ 謝謝
--
※ 發信站: 批踢踢實業坊(ptt.cc), 來自: 49.216.101.93 (臺灣)
※ 文章網址: https://www.ptt.cc/bbs/iOS/M.1671368178.A.47A.html
... <看更多>