《親情》
👰🏻♀️：你好嗎？我諗清楚喇，可能我因為離婚，因為放縱，所以諗埋一邊，我知道你當我係朋友，但當時我需要愛，可能過去既事令我覺得可以係你身上搵到被愛既感覺，但我太自私，所以無諗過你已經放低左過去既感情，得返友情，希望你可以原諒我……
😈：無事啊，你諗清楚就好，我希望你可以早日重回正軌
👰🏻♀️：我發現想人愛自己，要先自己愛自己先
😈：係啊，你連自己都唔愛，要人地點愛你呢
👰🏻♀️：可能我一直都唔識去愛人，我諗過你提到愛同鍾意既分別，一直我都希望要鍾意既感覺，人地對我好少少我就會動情，但呢種鍾意只會隨時間失去，只有愛先會長久
😈：我都學緊點去愛人，愈係去學習我先發現自己對愛一無所知
👰🏻♀️：你同岑雪兒最近點啊
😈：愛情係咪一定會變成感情呢？
👰🏻♀️：應該係必然既事，但我會覺得唔係變成感情，而係變成親情
😈：我覺得同佢最近既話題好似愈來愈少，為左令我地有話題，我會將每日發生過有趣既野記低，然後諗下要同佢講乜先好
👰🏻♀️：愛情唔係應該好自然流露咩？點解要特別去經營？
😈：比起當年我追你，依家既我係特別用心
👰🏻♀️：咁你唔覺得好辛苦咩？
😈：有少少，但我唔想失去呢段感情，連少少危機都唔想有
👰🏻♀️：同明星拍拖你係咪有好大壓力？
😈：有啊，佢細我幾年，但佢依家既成就高過我好多，我有諗過有日佢公開呢段戀情時，網上既花生友會話一朵鮮花插在牛糞上，就好似當年張繼聰咁
👰🏻♀️：如果佢真係愛你既，就唔會介意
😈：愛呢樣野真係好虛，今日愛聽日愛，下個月呢，下年呢？如果一段感情要憑愛先可以維持既，會唔會係一段唔太實在既感情呢？
👰🏻♀️：愛一個人係唔會變
😈：今日我覺得愛一個人係會變，今日有幾愛都好，有日有個更好既人出現，都可以愛上第二個，愛唔係單方面，我唔變好，佢變心既機會就會愈高
👰🏻♀️：要去計算同擔心，你會好辛苦，甚至連愛情既感覺都會愈來愈感受唔到
😈：唔計算，唔擔心，唔代表唔會發生，如果我唔在意唔努力，只係掩耳盜鈴
👰🏻♀️：你會唔會搵返個平常人拍拖，隔住個電話我都覺得你精神狀態好奇怪
😈：我依家好正面，因為我知道我可以做乜去避免呢個情況發生
👰🏻♀️：咁佢為你做過咩？
😈：佢肯等我變好
👰🏻♀️：唉，以前我都覺得自己幾靚所以好多人錫，依家睇到你咁對岑雪兒，我真係覺得愈靚就愈有人遷就
😈：我唔係因為雪兒靚先同佢一齊……我諗真係無乜人明，我最初未知佢身份時都已經好鍾意佢，我鍾意既係佢個人，唔係佢外表，唔係佢身份
👰🏻♀️：但呢段感情唔係公平
😈：某程度我同佢都好似，佢唔希望愛情變感情，我都係，只係佢會講出口，我會希望做到，而且我唔係追求一段公平既戀情，個陣對你都唔係公平，或者我覺得愛情就係要付出愈多先愈珍貴，我愈做得多，我就會愈沉迷係呢種感情入面
👰🏻♀️：我真係服左你……我堅唔明你個諗法，真係太辛苦，簡單少少唔好咩？
😈：我同佢都好清楚簡單既愛情係點，但我地都揀左條難既路行
👰🏻♀️：唉我唔識講你地，你地喜歡點玩就點玩啦
😈：我知道自己做緊乜，而呢樣野係我唯一可以做既事
#長傾不見 #蔣薇 #小說 #故事 #好久不見
未睇過既重頭睇：
https://www.patreon.com/maydreaming/posts?filters[tag]=長傾不見&sort=published_at
諗埋一邊 在 #諗埋一邊- YouTube 的推薦與評價
You're offline. Check your connection. Retry. ... <看更多>