《長傾不見》第一部最終回 注意事項
長傾不見第一部將會係聽日正式完結，然後會接住開始第二部，任何關係都有階段，係見面後，佢地階段唔同左，用見面黎做分界線，都係一個唔錯既方法
提提大家，最終回上載時間都係明天早上八點鐘！
形式，一如以往，佢地用電話既對話，你地都會見到，所有語音、相片、現實情境，都唔會睇到！！！！！
我會盡量交代到重要既劇情，你地唔會跟唔到個進度。
而如果大家希望睇到佢地見面，電話以外既劇情，有三個方法！
一，最終回突破1000Like／Comment達到200＋Share達到200（重覆comment不計）（唔好諗住去淘寶買like！！我認得你地個名！！）
呢個數，我預係唔會做到嫁喇，睇返過往既數據，你地最多得500like！所以一係有一大班睇完唔like同comment既cd rom存在，齊心合力去達到，如果唔係，你地都仲有兩個方法
二，Patreon訂閱用戶，我有兩個計劃，分別係8蚊同12蚊美金既訂閱，兩邊都可以係聽朝8點睇到完整既現實故事（文字＋圖），而訂閱既朋友都可以享有其他文章既閱讀權，詳情可以參考Patreon內既介紹（有多篇我既舊文章，仲有八月九月專享既完本小說《二十四歲的特首》）
如果大家有留心睇我既內容，我都可以預告，訂閱月戶係九月可以睇到《四個兄弟去Staycation》呢篇中型番外故事，約2－3萬字，不另收費
三，等我出書，《長傾不見》我計劃好出書了，亦即將開放預售，實體書會有所有隱藏內容，至於時間，請睇以下資料：
明天開放既預售，只需要留電話同名，如果預售超過300本（亦即係我回本既數量），咁書會安排即刻印刷，預計九月內會發送，但如果唔夠300本的話，我會係下年書展前先會真正印刷，預購既朋友可以享有折扣，主要原因係一印要印1000，如果依家就印的話，銷情又唔多好時，我要承擔大量存倉費，書展前印既話，我就可以慳唔少
如果你選擇訂閱Patreon的話，我亦有以下既處理，所有Patreon訂閱八元美金《長傾不見》或十二元美金《作者之路》，我都會提供20元書本折扣比大家，到時買書將會享有折扣（所有書均可享有Patreon獨家折扣）
同時，訂閱數達到以下目標的話，我會分別有以下安排比大家
訂閱數突破200－所有書折扣金額將會變成40元
訂閱數突破300－書本會新增一份小禮物免費送贈
訂閱數突破400－所有訂閱者將會獲得免費《長傾不見第一部》實體書
而訂閱數量，我會係Patreon系統改為公開，大家可以睇住個數，無得作假
如果訂閱去到400個，我可以計計數比大家睇，平均一個訂閱係10蚊美金，400個人，扣去平台同匯率費用，我可以收到既係30000蚊左右，然後要送書比大家，簡單講，我真係收返成本同人力物力，希望大家唔好怪我咁功利……我只係唔想倒蝕咋……
如果訂閱同埋預購數都未如理想，唔緊要既，我都預下年書展再博一次，用自己錢再出比大家，到時又要賣慘求買書唔好堆填！！
好啦，如果你經濟上好有困難，又好想睇的話，你pm我，講得我服既，我會另外send比你，免費！
唔講太多，麻煩你，like and comment先！！！！！
然後，想訂閱既，like完comment完，禁返呢條link，去課金比我吧！！！！！！
https://www.patreon.com/maydreaming/
再講一次，其實只睇對話，都未嘗不可既，係唔夠喉咁姐！！
明早八點，一齊早晨，不見，不散
訂閱數200萬 在 [討論] 船長訂閱200萬證明了什麼- 看板C_Chat 的推薦與評價