「我阿頭成日驚我哋班細嘅跣佢，其實我好想同佢講，我哋冇人會跣佢呀，一直以嚟都係得佢跣我哋咋！」
我聽完同事講呢句之後忍唔住笑，真係so true，呢番說話係好多打工仔嘅寫照，不過笑完就迎嚟一陣傷感，因為上述嘅肺腑之言亦係呢位同事嘅辭職原因，冇錯呀！遞咗信喇！
佢阿頭係幾極品，班下屬遞假紙或者拎醫生紙去人事部、close完單出張invoice或者填claim form去會計部，甚至申請普通文具要同admin department交接，佢一概唔准下屬自己去搵其他部門同事，大大小小嘅form同文件都要經佢手，雖然我唔係讀心理學，不過唔難理解呢種行為，因為咁嘅上司我都遇過。
第一，佢阿頭唔信任何人，唔多唔少有被害妄想症；第二，佢唔要你同其他部門同事混熟，怕你講佢啲嘢出去，怕你人緣好過佢；第三，控制欲嘅問題，莫講話接觸公司其他同事，你最好連去洗手間都舉手問佢。
成日都話心態決定命運，其實係真㗎！連埋今次辭職呢位同事，佢條team一年已經走咗4個人，你嘅心態係覺得班下屬會跣你，佢哋又點會做得舒服吖，何況過咗年已經係轉工旺季，出面多咗position，收辭職信同埋食散水餅就預咗啦！
不過講開散水餅，呢位同事就話唔想請佢阿頭食，我個人意見就唔使咁嘅，人哋小家你又跟住小家，咁咪同佢阿頭冇分別？都講咗啦，心態決定命運吖嘛，你請佢食唔使當益佢，可以轉一轉諗法－－－「呢個散水餅，係要話你知我有好路數，你留低慢慢捱啦！」咁當然，請其他同事食嘅心態就係多謝過往嘅合作，珍惜呢份情誼，有緣喺江湖再見！
所以散水餅唔使計較，你心態代表一切，聖安娜餅屋 Saint Honore Cake Shop嘅「網購甜品套裝」可以代你傳達呢份心意，有12件或18件嘅Thank You Cake同鮮果撻組合任揀，唔使周圍撲之餘，仲可以選擇喺分店自取或者安排送貨，好嚟好去，梗係要嚟個完美謝幕啦！準備farewell 又好，開Party都好，不妨click以下連結睇睇：
https://www.sthonore.com/news/detail/42
＃散水餅 ＃甜品套裝 ＃online散水餅 ＃聖安娜 ＃開party #farewell #ThankYouCake #鮮果撻 ＃網購甜品
