［啲中文幾好喎！］我是秦始皇。我沒有死，我吃了長生不老藥。我在陝西有3000噸黃金和300萬秦兵被封印，現在只需要198元就能解封。只要你打錢給我，待我解封之日，我就收你當乾兒子，立你為太子！
TLDR：關維鵬都叫Teddy Robin啦！可能我係 陳大文 David Webb TM Chan 呢？唔得咩？
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
告個急先：Ivan已被炒，已成失業人士。未訂嘅記得訂Patreon，積小成多呀。訂咗嘅可以考慮加碼（https://bityl.co/4Y0h）。 一星期至少出返六篇文．月頭訂最抵！月費80
＝＝＝＝＝＝＝＝＝＝＝＝＝＝
1. David Webb啲中文幾好喎．牛頓隔離在家發明（其實係發現）咗微積分，萬有引力定律，三大力學定律，仲有光學理論。David Webb都唔差，啲中文學到咁好！
2. 正經，除咗微信女，亦有冒啲咩股壇名嘴。我唔少朋友都有畀人冒（我就冇，證明真係冇人識，不過焉知非福）。但佢地又好醒架喎，例如佢會放張（舉例）胡孟青嘅相，然後只稱自己係「青姐」。
3. 咁，可能我真係叫「David Webb」呢，有乜唔得？Jason Bourne真名都叫David Webb 啦（我是鐵粉）！可能我係 陳大文 David Webb TM Chan 呢？唔得咩？關維鵬都叫Teddy Robin啦，周鵬都叫薩頂頂啦，型英師靚正，網名嚟之嘛。你見啲非洲球員，又莫扎特又波歷克（＊）又柏天尼又查斯古特都係咁
4. 咁本身，有冇問題呢？我…….都唔知。我有冇impersonate other？冇喎又好似。咁我改自己個別名做胡孟青 畢菲特都唔得？況且，我都冇話自己係 胡孟青 畢菲特，我話我係「青姐」，「畢翁」之嘛。「個名你註冊咗咩？」
5. 至於相，一樣之嘛，我貼張相咋喎，我冇話嗰個係我喎。我見好多網友啲頭像都係侵侵啦，唔見有人拉喎。
6. 認真，雖然好似話唔應該Blame the victim（＊＊）。但即係，咁都信嘅，照計十居其九嘅人心中都覺得抵撚死。雖然未必敢講出嚟，陣間又畀人話Blame the victim，虛偽嘅社會。
7. 但當然另一問題係：你心諗，咁白痴都有人信？就真係有的。況且成本唔係好高（＊＊＊）。正如尼日利亞啲 email 某某將軍有幾億但就係爭幾百蚊解封唔到咁，有咁白痴得咁白痴。係特別的，都有人解過：就係確保釣到啲最白痴嘅人。因你有啲白痴唔晒，未閹乾淨未變晒喪屍嘅，陣間覆咗佢，問得幾問你又唔落搭，佢就浪費時間。
8. 所以重覆一次：個策略一定係有咁白痴整到咁白痴，確保稍為正常嘅人都唔會信。因為啲False Positive （未計啲玩嘢嘅人）都好花時間的。
（＊）擺明off topic，絶對主觀，但在我心中，波歷克係近廿年甚至半世紀最有個人能力亦最有影響力嘅德國球員。你見岡比亞都有個波歷克（！），佛得角有兩個波歷克（！！），總唔見有個塞拉利昂拿姆或者茅利塔利亞馬圖斯（不過，魯爾／萊奧／話烏 個仔就叫Mateo，就真係name after 馬圖斯）
（＊＊）你可以留意下講呢句嘢嘅人係照樣做的，佢地嘅意思係：唔好Blame啲佢覺得唔應該Blame 嘅victim
（＊＊＊）不過而家啲微信女群組都幾落本，佢平時都好多嘢寫，又要寫下CoinBase呀，美國通脹呀，字節跳動呀。得閒又要醒兩隻真係升嘅畀你（雖然可能係騰訊之類）。都要啲時間同知識的。搵食唔易。
＝＝＝＝＝＝＝＝＝＝＝＝＝＝
2021比別人知得多。subscribe now。Ivan Patreon，港美市場評點，專題號外，每日一圖，好文推介。每星期6篇，月費80，半年已1400人訂！（https://bityl.co/4Y0h）。 年費仲有85折
＝＝＝＝＝＝＝＝＝＝＝＝＝＝
