全職炒散計劃正式啟動
一念之間，我登記左做Food Panda，由決定到登記完畢都只係10分鐘既事，估唔到會令我搵到一條隱藏左既路
認真，成三十歲人走去送外賣，我曾經覺得係好九唔搭八，自己正職搵唔到錢咩？寫野都可以發展啊？點解偏偏要去做身水身汗又攰又無發展空間既外賣仔？我諗最大原因係，作為人馬座真係對好多野都好好奇
有好多野，你唔做過真係唔會知真實情況係點，我寫過好多故事，每個主角都有唔同既工作同背景，但好多野都只係靠我資料搜尋同幻想先可以寫到出黎，認真睇，係得個外殼，就係一個外人睇咁樣既心情，如果想一個角色有血有肉既，你真係要完全代入佢先可以，厲害既作家可以唔做就寫到好完整既角色，而我唔夠班，所以我決定親身去體驗一下
幾個月前我已經有諗過寫關於外賣仔既故事（唔好太認真，因為我呢種想法幾乎每日都有新），諗完又放低左，直到兩星期前我咬定牙關登記左，踏上左一條好唔符合我依家年紀同背景既路
做完第一日，我寫左個感想，竟然有成1500like，對比起我平時寫既故事，都只係得幾百like，呢個數字令我意識到，真係試過寫出黎既野係唔同，呢種血肉，睇既人係會感受到，當中有好多點我都係唔會幻想到出黎
呢個星期有好多朋友都PM我，原來大家都為左堅持自己夢想而踏出左一步外人覺得九死一生既路，我當然都同佢地講返我既心路歷程啦，係路上互相鼓勵
神奇既事發生了，竟然有唔少人問我有冇興趣試下做呢樣個樣，好過你做Food Panda喎，例如有保險、待應、寫稿、設計、揸的士、按摩、教班、算命、PTBF、社區幹事、洗頭仔等等等等……
大家實在太有愛了，甚至有少少太睇得起我既職業出現左……
估唔到離開左條大路，轉左入條陰森小路之後，我竟然見到廣闊無際既大海
依家每日我都好期待第二日會有咩新既事情會發生
以前我好清楚今日會點，聽日會點，下個月甚至下年會點，我都預計到，同大部份人一樣，生命中既未知可能只係去食乜、去買乜、去玩乜、去試乜呢種用錢先得到既快樂，係工作上既未知同快樂，已經無了……
一生人我諗最少有三分一時間係工作，有好多人認為犧牲呢八小時去換取另外十六小時快樂，但我依家竟然可以將呢三分一都轉化到我期待既事，係我諗都唔敢諗既事！
感想只有四個字，我自由了！
黎緊我安排左唔同既工種去體驗，以前我係以客人感覺去寫，依家希望以提供服務既心態寫你地無諗過既野
透過唔同既體會，我希望令我見到更多既野，令我寫既野更全面同實在，更有血有肉
我正式宣佈，全職炒散計劃啟動！！！
有咩想我試既，請留言，我會盡量做比大家睇！！！
透露一個消息比大家知，暫定我會升級做騎兵，另外仲有一間我好喜歡既公司！！！我Send msg去既時候簡直臉都紅埋……
感謝大家既支持！！！我除左炒散之外，寫野係無停過嫁！放心！！！
牙關 在 [討論] 為甚麼五月天演唱會很少唱牙關阿? - 看板MayDay 的推薦與評價
雖然大家都想聽比較少唱的歌(EX:永遠的永遠、有你的將來)..之類
但他們好像為了讓新同學或很少知道五月天的也能融入，
會唱大家耳熟能詳的，(EX: 知足、入陣曲)
但是有個疑惑，為啥"牙關"這首歌，近幾年會很少出現在五月天演唱會上阿@@
這首歌聽過的比例還蠻高的(KTV點播也蠻高的)，歌曲本身也蠻High的
為啥最近都沒有排在演唱會的曲目阿>W<
嗚嗚其實是私心想聽到啦XD 我因為這首歌開始聽五月天的說
--
※ 發信站: 批踢踢實業坊(ptt.cc), 來自: 140.116.112.141
※ 文章網址: https://www.ptt.cc/bbs/MayDay/M.1413489809.A.4C6.html
... <看更多>