4月8日 阿哥低醣減肥Cycle 2 正式開始！！！🥳🥳大家都一齊加油啊💪
經過休息咗一個星期復活節假，阿哥日日豐富大餐勁食有韓燒又打邊爐，休息完琴日上磅佢都係重返0.7 kg🤣但係佢嘅腰圍竟然無啦啦瘦咗4cm，真係唔知發生咩事😱😱😱以佢嘅每日咁樣食法竟然冇大反彈，佢都覺得好神奇！🤣
.
Cycle 2 基本上同第一階段差唔多，不過等阿哥自己響出面食嘅次數可以增加，一來我相信佢而家已經識得揀乜嘢食得乜嘢唔食得，二來我又唔使咁辛苦每日一早幫佢準備太多，哥哥唯一係要求就係想再嚴格啲，因為佢覺得cycle 1太舒服食得太飽，所以佢想我將每餐份量減少，當然冇問題啦咁我買餸都唔使買咁多呀嘛🤣
.
琴日cycle 2第一日 Menu 如下：
早餐🥣雞蛋一隻，紫心番薯一個，加無糖豆漿一杯
.
午餐🍲阿哥放假在家，佢自己整咗隻氣炸雞髀同埋烚左d青菜
.
晚餐🥙香煎三文魚，同埋炒雜菜，炒雜菜我都盡量落多啲油落去炒，記得記得呢個減肥法係需要一啲油分去輔助所以食雞唔好走雞皮，烚菜都要落啲油，如果屋企可以準備一啲初榨橄欖油，唔需要加熱嗰種，臨食嘅時候都可以淋啲落去，我有時食烚菜都會淋啲上面，一來香啲，二來都係一種健康嘅油份吸收。
