【睇《#凶靈祭》前，我諗先要了解吓個導演係乜水】
有幾位台灣讀者朋友都同我大推《凶靈祭》（台譯《薩滿》）有幾好睇、結局又幾震撼，多謝你哋努力同我講有幾好睇而冇劇透。唔知係我老定係大家冇留意佢背景，大家不斷講《凶靈祭》有幾神，竟然唔知佢係《鬼影》導演，只知係《嚇鬼阿嫂》（台譯《淒厲人妻》）導演Banjong Pisanthanakun，而香港都用《嚇鬼阿嫂》而唔係《鬼影》宣傳，係咪我太老。
未睇《凶靈祭》我唔敢講自己係咪鍾意到咁（有台灣讀者話已經二刷），但的確Banjong Pisanthanakun嘅戲，無論長片短片都無一失望。
如果你唔知《鬼影》係乜來頭，再三再四強烈推薦你一定要睇。今日一講起泰片會第一時間諗起鬼片，正正就係《鬼影》將泰國鬼片推向全世界，比當年《鬼妻》更勁（當然荷里活版《攝靈》得啖笑——堅睇到笑），唔止氣氛夠詭異恐怖，結局肯定令你一生難忘，從此頸痛你都唔知sweet定心寒好，你同條女玩sweet有啲嘢都唔係亂咁玩😂
因為《鬼影》實在太勁，其後《連體孤魂》算係導演較為失望作品，雖然結局再次出人意表，效果已經難及《鬼影》。當然，如果未睇過《鬼影》，《連體孤魂》都有料到嘅，對比之下就點都差啲。
其後，Banjong Pisanthanakun就開始向恐怖喜劇進發，《四條大路通陰間》同《五條大路通陰間》都負責執導搞笑部份，既有恐怖驚嚇，都會令你笑爆嘴，尤其後者果段，堅係笑到起腹肌，更令佢將《鬼妻》變成恐怖喜劇《嚇鬼阿嫂》。橋段係有少少翻炒《四條大路通陰間》個故事，勝在有笑有淚，結局喊到癲咗兼感動到毛骨悚然，癡線睇恐怖片會感動到咁，成功破盡票房紀錄，都曾係香港史上最高票房泰國電影。
以為Banjong Pisanthanakun專拍恐怖片，但《嚇鬼阿嫂》成功，印證佢原來拍愛情喜劇都得。喺《嚇鬼阿嫂》前其實都有套《你好，陌生人》（香港只係電影節上映），講一對歡喜冤家旅行擦出愛火花嘅故事，明明故事好老土都有能搞到窩心感動；更勁嘅必要數《一日情人》。明明係一個好「兵」嘅故事，有能將佢化到咁感動，而結局又寫實到令你目瞪口呆。寫「兵」對愛情嘅最偉大，唔會太病態，少少奇幻又兜得妙，咁都俾佢諗得到。當日戲院目測全場男觀眾喊到癲咗，呢個都可以堪稱係最難忘愛情片結局之一。
我一直期待《一日情人》同《你好，陌生人》之後，佢會拍套乜嘢冧爆愛情喜劇，點知佢走返去拍恐怖片，聲稱《凶靈祭》仲癲過《鬼影》，你話唔期待就假嘅。可能香港個名譯得衰咗少少，台灣同南韓已成為現象級電影，香港暫時提都冇人提。老老實實，大家未來呢半個月可能最期待係《沙丘瀚戰》同《007：生死有時》，作為恐怖片迷，我最期待《凶靈祭》，就係因為Banjong Pisanthanakun，希望唔好期望過高令我失望。
《凶靈祭》、《嚇鬼阿嫂》、《一日情人》觀後感可看留言連結。
想先睹為快，請即參加《凶靈祭》優先場戲票活動啦：https://bit.ly/3tBe8mO
‼️電影網店全新貨品已上架，低至$5起，快啲嚟搶購啦：https://bit.ly/3qLPkpk
【Patreon加強版】尊享優惠、更多深度獨家電影文章：https://www.patreon.com/travelerwithmovie
📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://bit.ly/3a9wOzy
或使用Payme link：https://payme.hsbc/jackyhei
或透過Paypal捐款：paypal.me/jackyhei
【IG請follow】www.instagram.com/travelerwithmovie
【MeWe請Follow】mewe.com/p/travelerwithmovie
🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu
歡喜冤家小說 在 歡喜冤家男女主 - 小說板 | Dcard 的推薦與評價
歡喜冤家 男女主. 小說. 2019年11月11日17:02. 很多小說的男主都是高冷總裁之類的就是那種冰塊臉但只對女主好的雖然這種也不錯啦但我比較想看另一種男主啊 就像是 ... ... <看更多>