參考數據:黃子華棟篤笑金盆𠺘口 宜戒急用忍
棟篤特工狂收4千5百萬，創年三十晚至年初四史上最高華語片票房記錄。以平均每張戲飛65蚊計算，入場人次達70萬。今次26場紅館《黃子華棟篤笑金盆𠺘口》，肯定破硬香港棟篤笑場數加入場人數紀錄。
下個禮拜4月24日公開發售門票。鬼哥同大家計下數。
首先，我叫肯掏腰包買棟篤笑飛，包括公開發售及專登申請信用咭優先買飛嘅公眾人士，做子華迷。
成市售票網話有150,000張門票公開發售。每場大概5,700張飛，以紅館嘅容量，即係大概60%公開發售。鬼哥又假設，贊助商霸咗嘅飛，有20%係留俾商務客戶，即係冇乜興趣睇，但係你免費送咪去囉嗰班商業伙伴呀供應商呀之類嘅非子華迷。
即係話，確實供子華迷買嘅飛，總共有230,000張飛。
(150,000+150,000/60%x40%x80%)
條數即係，主辦商估計睇棟篤特工嘅觀眾，每4人就有1人肯掏腰包買今次棟篤笑飛。
鬼哥覺得呢個數字明顯過份樂觀。即係話，如果你唔介意中間位邊皮位，唔洗怕，你買到飛嘅機會好高。廿幾萬張飛，黃牛黨冇可能掃得晒。就算黃牛黨主攻貴飛，鬼哥估計最後佢地都係要原價放番出嚟。總括嚟講，黃牛黨今次嘅影響力應該有限。
值得一讚子華神。我諗佢都心知26場要賣晒確係有啲樂觀。但係佢地唔怕，鬼哥真心覺得佢地寧願有個別場次見吉位，都希望盡量滿足子華迷買到飛。喂仲有子華神健康同體力考慮，連續喎!26場喎!
預祝各位搶飛成功。
#黃子華 #金盆𠺘口 #棟篤笑 #黃牛黨 #棟篤特工
棟篤特工達哥 在 達哥棟篤特工 的推薦與評價
致一眾爆機兄弟： 由於達哥參加《棟篤特工》首映禮，故今晚2018-2-12爆機兄弟直播暫停一天，敬請留意～ https://www.twitch.tv/underground_dv. ... <看更多>