《多功能老婆》，少功能，多低能。
～ 今天一口氣由第二集睇到第十集，只能講，對我來說，今年最好睇的台慶劇，應該係《牛下女高音》，起碼班中佬夠貼地，可以令人入戲。
～ 全劇問題像那些以美術豪華包裝的陸劇一樣，以巨星、靚衫、靚人、靚景去吸引觀眾，但關鍵的劇情唔夠吸引。單純為左睇楊千嬅的可能會滿意，但笑位真係唔多好笑，想睇感人故事會發覺隔靴搔癢，勉強去到第十集劍雄正式為祖國小三，放棄香港妻兒，才有感動位。
～ 晚晚不斷提住個劇名《多功能老婆》，但功能實際唔多，只係煮飯好叻，少功能啱啲。而且還因為她的低能犯錯搞到老公要出走，同情分上大減，無錢仍然住豪宅，出入高級超市買餸，感覺很離地，師奶會有共鳴？
～ 楊千嬅既然是「救世煮」，點解唔煮多些靚菜式出來去確立呢？現在口講居多，最叻都係蒸個肉餅，將啲鷄翼排得好睇而矣，又係未夠說服力。
～ 低能的設定很多，周柏豪用五萬元一個月租間房，為咗喼住前女友吳若希，但又唔係求復合，旨在騷擾對方，其實好牽強，只是想夾硬推他入楊千嬅間屋，和她發展感情線，但那些搞笑劇情令到周似低能仔。
～ 朱晨麗的角色設計完全是個低能女人，不論愛美、減肥、對住老公同姑媽的劇情，都寫到佢好低能，浪費了個演員，朱在《特技人》中的May豬好睇過這無血無肉的角色。
～ 劍雄說他在大陸要靠實力，不靠關係，反映佢對中國的了解仍然是低能程度，係人都知，唔拉關係在中國做生意是找死。
～ 黃錦燊身為資深大律師，用望遠鏡偷窺個仔的生活一幕，搞到佢都低能化。
～ 陳煒的公司內鬥，如紅酒事件和設施傷人事件全部無劇情，都係口講口賠，突然出現、突然消失，沒有戲味，所以佢鬥蠃對手，無端端揸法拉利去慶祝，只有奇怪這靚車何來，而沒有為她打勝對手高興的爽感。陳煒最可取是全劇至靚就係佢。
～ 佳佳阮天寶相當可愛，戲又可以，是個成功選角的童星。
～ 苗可秀今次的角色，有發揮過《解決師》那個，佢惡得夠霸氣。
～ 顏爺以中國市場去引劍雄，用9999千萬支票去買人老公，這件事好反映當下的中式霸權，我巿場大、錢又多，乜都可以買得到！那種咀臉唔單止香港，連全世界也討厭。
～ 呂老師(戴祖儀)幾甜喎，好過其他星夢幫。
～ 這是男人角度，唔知女性角度如何，就算妳們覺得好睇，我應該再無勇氣好似今天咁一口氣睇咁多集了。
～ 睇大台劇罵佢膠就係無良心？咁點解唔努力啲拍套好劇俾人良心發現去讚呢！《金宵大廈》過陣好少人鬧㗎。
朱晨麗陳法拉 在 閱讀文章- 精華區HK-drama - 批踢踢實業坊 的推薦與評價
朱晨麗承認自己拍攝經驗不足，更坦言因為未卸任港姐，故拍劇之餘，亦有不少港姐工作
要兼顧。
應屆港姐冠軍朱晨麗，樣子極似陳法拉，在花旦嚴重短缺的情況之下，被無綫點名力捧，
在新劇《名媛望族》頂替以面癱為由辭演的陳法拉，擔當戲份甚重的季小由一角。
未卸任就已經有劇拍，可謂史無前例。
不過力捧還力捧，極少演出經驗的朱晨麗明顯駕馭不到。據知該劇開拍僅三天，她已經頻
頻 NG兼交唔到戲，連累其他演員要拍完又拍，變相增加拍攝時間，怨聲載道，看來過早
上位都唔係好事。
劇中與朱晨麗有不少對手戲的演員，對新人 NG都頗體諒，靚女果然着數啲。
劉松仁:預咗要訓練佢！
吳卓羲:佢 NG都冇辦法！
馬國明:個個新人開頭都係咁啦！（真實對白）
因為陳法拉忽然辭演，才令樣子與她有七成似的朱晨麗，未卸任港姐就有機會執二攤演出
新劇。
陳法拉
早前陳法拉突然自爆工作量過多而幾乎面癱，不久就辭演四十集新劇《名媛望族》，有指
她藉此扭計爭視后，更重要的是她不想以配角姿態襯托同劇的楊怡。
法拉疏乎
早前陳法拉以面癱為由推演《名》劇，不過記者上周五（ 9日）就發現法拉在尖沙嘴和友
人開餐，當時她全程笑得零舍開懷，唔似有病。
試鏡演喊戲得米
突然被陳法拉「蹺」起，該劇監製莊偉健隨即另覓人選，「其實監製一知道法拉唔拍，即
刻搵咗幾個一、二線女藝人試鏡。咁朱晨麗試鏡做嗰幕喊戲，監製都覺得佢做得幾好，加
上佢外形又係好似法拉嘅，最後就揀咗佢頂季小由個角色。不過冇諗過實際拍攝時佢連對
白都未講得掂，表情動作就更加唔使講啦。」劇組人員說。
據知剛開拍的《名》劇僅拍攝了三天，戲份頗多的朱晨麗即使經常埋頭埋腦讀劇本，埋位
時依然發台瘟。 16歲才從蘇州來港的她，廣東話咬字不正，故拍劇時亦頻頻「食螺絲」
。當她唸對白勉強過關時，又交戲不足，拍一個鏡頭試過 NG十次以上，搞到與她有對手
戲的吳卓羲、劉松仁等往往要多花幾小時拍攝時間。
本周一（ 12日），《名》劇舉行拜神儀式。對於朱晨麗頻頻 NG累街坊，記者問過頗有要
求的劉松仁，他說：「朱晨麗係新人，我哋預咗啦，唔係使乜要我哋嚟訓練佢呀，演一個
劇好過讀一年藝訓班呀！」
至於與朱有不少對手戲的吳卓羲，坦言開拍時，即使眾演員齊放飯，亦見她買飯盒匿埋一
邊咪劇本，他說：「其實依家都有飛紙仔嘅，見佢唔同大家食飯，係咁睇劇本，見到佢咁
都唔敢鬧佢啦！咁佢 NG都冇辦法o架啦！」而馬國明則開口撐朱，他笑說：「我哋大家都
知道佢係新人，個個新人開頭都係咁o架啦！」
監製睇好朱晨麗
現場所見，拜神儀式期間，劉松仁、楊怡、陳玉蓮一眾演員傾到雞啄唔斷，反而新丁朱晨
麗就冇人理，呆企一旁。切燒豬時，配角身份的朱晨麗更被迫至靠邊站。對於開拍不久就
鬧出是非，《名》劇監製莊偉健依然力撐朱晨麗，認為自己冇揀錯，「俾啲時間佢啦，我
睇好佢o架，新人係咁o架啦！我揀佢除咗佢似法拉，最重要係佢夠淡定，我覺得呢個女仔
會掂嘅。」
得到監製力捧，朱晨麗喜出望外，只客串過《 Laughing Gor之潛罪犯》的她亦承認自己
演戲經驗不足，她說：「之前拍一場戲連累吳卓羲要食十幾粒朱古力，搞到佢狂飲水解渴
，真係唔好意思。嗰場戲我唔知點解一望住佢就硬係講唔好句對白，我冇心整蠱佢o架，
以後我一定會俾心機拍嘅！」新人最緊要肯學肯捱，知錯能改加上有監製撐腰，看來朱晨
麗大把前途。
慳家逼港鐵
之後朱晨麗搭港鐵返將軍澳電視城，由於當時為繁忙時間，朱被逼企在後排。
港姐拍劇要等
無綫自 73年舉辦第一屆《香港小姐競選》以來，不少得獎佳麗也能成為娛樂圈花旦，不
過她們拍劇之前，其實必須履行一年港姐任期，做親善訪問。朱晨麗今次極速拍劇，肯定
是無綫史無前例。
陳茵媺 等兩年
06年港姐冠軍陳茵媺，首次演出劇集竟是兩年後（ 08年）的《原來愛上賊》，一上場即
要她性感演出。
葉翠翠 等兩年
2005年冠軍葉翠翠，卸任後大部分被安排做司儀工作，首次演出劇集要數 07年的《溏心
風暴》，不過戲份不重。
徐子珊 等一年
04年冠軍徐子珊，首次演出劇集為 05年《奇幻潮之我愛你》，在此單元劇中只行行企企
，表現一般。
楊思琦 等一年
01年冠軍楊思琦卸任翌年（ 02年）便演出劇集《血薦軒轅》，有機會夥拍汪阿姐，可惜
劇集 04年才出街。
... <看更多>