《生b後不可告人的秘密-漏尿》上集
母親真係好偉大
生仔痛不在話下，餵奶乳頭損、塞奶、波波大到著衫唔好睇、大到變”the lin na”🤭🤭呢d大家都成日掛係嘴邊，因為係外在既野，大家都見到呀嘛，原來有d內在睇唔到既野都發生左轉變，而又唔係人人敢開口討論，只係自己默默承受。。。
執媽講緊既係產後漏尿/滲尿問題🤭💦
好難啟齒呀呵？但係原來每十個女性就有一至三個受尿失禁問題困擾架喇，不過只係因為生完一段時間有改善，加上做左媽媽又好忙，又怕尷尬唔知點講出口所以冇去搵人幫手😪😪😪😪
點解會生完之後有失禁問題呢？
原來係關我地既骨盆底肌事！
骨盆底肌係一大組肌肉，好似一個吊床，由肌肉、筋膜或者一d彈性組織組成，將盆骨既底部，由恥骨至尾龍骨完全咁包住，呢組肌肉唔單止承托住內臟例如膀胱、子宮、腸臟既重量，重會包住尿道、陰道同直腸，‘有份’控制大小便架！💦💩
肥胖、年紀大、缺乏運動、生仔、更年期荷爾蒙轉變（🤭🤭🤭係咪有人中左幾樣🤭🤭）都會令到骨盤底肌變得唔夠強壯甚至鬆弛，加上生仔剪會陰既肌肉正正就係骨盤底肌既其中一組肌肉！影響幾大可想而知⚔️⚔️
輕則就出現壓力性漏尿（即係打乞嗤、咳、跳時漏尿）
重則就會成個子宮垂脫！（我係醫院見過好幾個老人家跌左個子宮出陰道外面架🤭🤭🤭）
而家你仲後生，可能未想像到個問題既嚴重性，但係你或者你媽媽都會有老既一日！都有可能會面對呢d問題！
所以骨盤底肌運動對每個女人都十分之重要！！而且永遠唔會太遲架！！
好多研究都指出，只要四星期勤力既訓練，每日五至十分鐘，就會對漏尿方面有明顯既改善
不過，講咁易咩？每日邊個時候記得練？🤔記得練既時候又到底做得岩唔岩力度？🧐咁私隱既地方邊個可以話比你知有冇練錯力？🤨
記得曾經聽過遺尿科既護士長講，香港醫院改善遺尿既方法仍然只係停留係叫人做運動，判斷個動作做得岩唔岩既方法，就只係靠痾尿時用力中斷督尿。。。💦💦💦💦呢個方法一黎唔可以成日用，因為會導致尿瀦留，二黎唔可以係運動其間測試到用唔用得岩力。。。一句講哂！落後喇🥉🥉
外國一早係醫院有sensor 可以detect到舊肌肉運動得到唔到位，但始終都係醫院先做得到，唔夠user friendly,又唔可以係屋企做，都唔係辦法
🧠🧠🧠記住！！做凱格爾運動係其本上到目前為止，最長久改善尿漏問題既唯一方法！！
各位媽媽生完bb唔想有漏尿問題，都係努力做運動把喇！！🧘🏻♀️🧘🏻♀️
執媽最近發現有款新product!對我黎講真係好驚喜！因為第一次見！下次介紹比大家識！
你地有冇人試過面對漏尿問題唔知點處理淨係自己偷偷擔心？或者淨係墊M巾？分享下呀🙊🙊🙊或者inbox我
#骨盆底肌
#凱格爾運動
#未到更年期就漏尿🤫
#不可告人的秘密😵
#母親真偉大
#就黎母親節
#多謝媽媽喇
