關於 有咁啱得咁蹺 ，我們在網路上蒐集到這些相關的討論、資訊與評價

我老公又妒忌他沒有機會了🤣🤣
他問好像他沒有甚麼在家吃麵的機會，我答因為我總想留多點時間和你傾談😄😄

#靚煮婦 #prettymom
#有咁啱得咁蹺
#午餐三母子唔知食咩
#食粉麵容易啲處理

唔知係咪佛印話

噚晩寫咗篇《轉行送外賣》，post click喳一聲過一萬，like數就拉牛上樹，我諗可能係文章寫得屎，又或者大家以為賣廣告啩，係就好囉，又有收入啦。

一家大細難得排排坐睇《白宮淪陷》，享受睇電視的快樂，可惜劇情犯駁，悶到發慌，唔覺意睇番大人Whatsapp留言，居然一星期落order三次，手痕痕用咗十分鐘，話自己派完報紙，做完油漆，轉行送外賣，唔信行行做唔掂，相信天無絕人路，人算不如天算，順其自然。

「天下本無事，庸人自擾之，真可憐。貪方便，一星期一兩次，居然狗唔食，我都食，居然唔收錢賣廣告，天生戅居，我鍾意。」

「大人啱啱補充：狗唔食，我個個星期食。我做外賣仔，佢好鍾意。」

做人貪玩啲反斗啲，鬥心大啲；做人正面啲寛容啲，快樂多啲。純粹遊戲文章，唔使煞有介事。

唔知係咪佛印話過：「你個心諗乜，就見到乜。」呢個世界，邊有咁多廣告宣傳，大人吩咐送外賣，有咁啱得咁蹺。

翻兜十日前專欄《我的「廣告」生涯》畀大家𥄫𥄫。
https://www.facebook.com/danielchong123/posts/536267169894053:0

唔講啦，大人話今日出街支持小店，食36蚊套餐，唔使送外賣，我又失業啦。行！

水月鏡花

噚日「好書點評」cap圖結尾咁寫：「本專欄到此暫告一段落，多謝莊偉忠先生對《晴報》的支持，跟讀者們分享他讀過的好書，令本報生色不少。」

「暫告」係錯嘅，應該係「絕嚮」，以後都唔敢濫竽充數寫書評囉。多謝總編輯潘少權，滿足咗我少少嘅虛榮心，幾十歲人第一次扮文青做專欄作家，「捱」到一年，算叻啦，雖然只係A貨，都當係「輝煌」履歷㗎喇。

九月尾篇《瀟灑獨行俠》已經預告咗：「短期內唔再公開演講，唔再接受專訪，私底下立定心腸，陸續停埋兩份報章專欄。背後只有一個原因，就係要逐步淡出幕前，多啲時間攬攬靚老婆，閉門讀書學做人，重拾寧靜生活。」

大丈夫，即係我，坐言起行，頻頻放假，「好書點評」靜雞雞Sayonara啦，仲要有咁啱得咁蹺，告別書評係沈旭暉《水月鏡花》，應景囉，提醒我，名利虛榮只係水月鏡花，虛無飄渺，大力震一震就散，唔使戀棧，戀棧唔放，肯定唔會快樂。

做人同做生意差唔多，一路做，一路諗定退路，衰收尾係無人可憐㗎。做人去到某個境界，知所進退，只求減，不求加，自願減，總好過時不與我被逼減。減呀減，減呀減，遲啲連面書專頁都減，全心全意收山追求快樂。

想真正快樂，成日笑哈哈，一定要淡薄名利，看輕得失，笑到尾至係真正快樂嘅贏家。人生匆匆，如果唔快樂，做人還有意義嗎？

手空空無一物，閒雲野鶴，鳳舞九天，瀟灑獨行，型呀，啱我。

支持我嘅朋友，請你體諒我嘅懶惰。保證履行承諾，攪多一次「齋問齋答」絕嚮，型呀，等我。