呢個post，主要想嘉許一下我家二公子。過咗澳洲生活15年，大學畢業，一坐完移民監，二話不說放低嗰邊建立嘅一切，返嚟香港由頭嚟過，主要目的係想陪娘親，亦舒緩一下我成日陪唔到娘親嘅罪疚感。睇住佢舊年12月返到嚟成個Aussie咁又chill又hea又盛，行步路都慢半拍，對香港所有民生、時事、潮流、政制都完全冇概念，直頭堅離地，就連搵咩工點搵工都搞到立立亂，又零本地工作經驗，又奀挑鬼命連地盤都唔會請佢。
直至上個星期，好多人睇咗 #東方昇特異功能救香港 ，話好記得有一幕個cam man上咗台同東方昇咬耳仔之後又俾崔建芒同龍志權捉走，仲有人網上討論到底嗰場是咪戲嚟。
我想响呢度同家豪講句：「叻仔！其實我呢，有一直keep track你嘅每一件事嘅，今晚陳輝陽個show繼續努力。珍惜每個機會做好每個崗位。」特別鳴謝 Eva Chau 信任，膽粗粗搵佢試做完哈雷彗星的眼淚就即刻俾個咁重要嘅role佢，可能係嘅，妳上世欠我太多，哈哈，總之就多謝啦！最後，我細佬大學係讀media嘅，主要做剪片，返嚟香港想接觸一切同舞台有關嘅工作，各位如果需要crew、ASM、Acting Crew，甚至唔怕死嘅搵佢casting做演員都得，我無能，淨係可以寫篇千字文sell下佢，同埋幫佢供住份保險先。
#其實我嚟緊都會同佢一齊搞啲嘢嘅 #不過唔係搵錢嗰啲 #所以有工開請繼續射住射住 #射晒兩個都得
