我係港島人。
今次立法會投票，我掙扎咗好耐。其實可以考慮嘅人，唔多。但我係好想運用配票，令多人入到議會，只要係非建制派就得（當然我知熱普城同青政係唔玩配票），真係令我幾頭痛。
首先我對現在議會有個前設，就係議席一日不過一半，其實做什麼都仍是徒勞。所以，入得幾多得幾多一定係我嘅諗法。即使好多本土派會講泛民入去都係出賣選民，含淚投乜乜乜係戇狗狗都好。但我嘅遠景，仍然係議席過半數。
而以下是我考慮人選嘅優點：
1. 陳淑莊 - 有諗過投票俾佢，等佢贏埋葉劉，攞兩席。
2. 司馬文 - 佢喺南區嘅評價一向好高，相信佢係一個高質議員。
3. 羅冠聰 - 算係議會新血，同埋佢係有心之人。
4. 鄭錦滿 - 新血，像是毓民2.0，激激激激激。
坦白講，經過一輪思考，亦發現四人有其缺點：
1. 陳淑莊 - 佢好難贏到葉劉，兩席係無望，一席係穩陣。
2. 司馬文 - 佢好難贏到，投咗都冇乜用。
3. 羅冠聰 - 香港眾志嘅image唔算清晰，而且西隧都寫錯做東隧。十年後自決其實都似係口號。
4. 鄭錦滿 - 論壇表現唔算好，不過我最關心係熱普城提倡嘅永續基本法。以五人入會為開始，兩年內組成制憲會寫基本法修訂草案，兩年後五區總辭，全民制憲，選制憲會五個年輕人補選。贏就代表巿民十分支持草案，從而對中央施壓。沒有效用，就用憲外力量再抗爭，方法不詳。其實我唔明佢呢套點行得通。何況，入唔晒五個，咁會點？坦白講，其實都係文字遊戲，但又講到似層層，我好懷疑。
按以上結論，真係好難投。
不過，經過今晚，司馬文退選，並推薦羅冠聰。其實質素上我係信任司馬文，佢向羅冠聰投下信任一票，令我多了一個強力原因。加上喺議席不會過半的現實下，我仍希望推到多一個非建制派人士入去。四人中我認為羅冠聰較易實行到我這想法。
我決定成全司馬文的退選，支持 羅冠聰 Nathan Law！
P.S. 有人話要提晒所有候選人名單：鄭錦滿、許智峯、葉劉淑儀、郭偉強、張國鈞、羅冠聰、司馬文、王維基、陳淑莊、黃梓謙、沈志超、劉嘉鴻、何秀蘭、詹培忠、徐子見、賴綺雯。
#9月4日請投票
#超區好簡單就係殺鼎投鄺神
#我有睇晒佢哋政綱
#我冇含淚投我係認真想爭取多一個議席
