《法證先鋒4》戴左黑超，收視會勁啲？
～《法證先鋒4》全劇平均收視36.3，破了2013年《衝上雲霄2》全劇平均36點的收視紀錄，而3月23日更錄得40點收視，的確是近年大台高收視的劇集，原因何在？疫情推高收視當然是一個因素，不過，《法4》又真係特別多人睇，《愛回家》近期平均收視接近30，相差30多萬人，而接檔九點半播的陸劇《慶餘年》平均只有25點，相差成11點，超過60萬人。《法4》真係零舍多人睇啲。
～ 《法4》係咪咁好睇？香港一般評論，否定方面包括破案靠黃浩然靈感、兇徒成日自爆、成班人戴黑超太chop、感情戲多過查案、主角無表情⋯，肯定方面是配角出色、有多場感動戲、法證過程認真、鍾意尋親戲(40點是三兄妹相認那集）⋯。一些更厲害的劣評大家可以去國內網睇睇，但可以總括，《法4》整體不及第一、二季。
～ 為何香港觀眾特別愛睇《法證4》呢？首先當然因為過往幾季的品牌效應，有批擁躉响度。另外，黃浩然的法證科同李施嬅的法醫，並不屬於警隊，他們是食物環境衛生局轄下政府化驗所的部門，即是歸只係識喊多過識防疫的陳肇始管理，所以《法證4》只是50%警察故事，不及而家上緊的《機場特警》咁百分百講差佬，反感度會低啲！
～ 《法證4》受大台觀眾歡迎，其實係捉中睇電視觀眾的心理，這裡不是指喜歡睇網劇，不看大台那群觀眾。
～ 首先最重要一點，唔講大家唔知，個人也是睇完《法4》先知。睇電視的觀眾真係好喜歡睇人戴黑超㗎，那些戴黑超戲其實都好無謂，次次都係，成班人一落車，戴番副黑超先，然後行幾十米腳程，唔夠兩分鐘，成班人又要除晒啲超，周圍搵證據，初步驗屍⋯等等，點解行短短路都要戴住超，好明顯係觀眾喜歡咯，見住一群型男美女戴住超catwalk行出來，就睇得到心花怒放，好興奮咯！如果《法5》他們一路行一路換不同黑超，平均收視一定破40！
～ 第二點是睇電視觀眾鐘意睇慘情多過案情，可以用三分查案七分煽情去形容所有案情，查案過程其實滾水淥腳，黃浩然靈感到，個犯自爆話咁快破案，然後重點放在個犯背後的淒涼感人故事，用意是想整喊觀眾多於講破案，大家明白，師奶觀眾邊有耐性睇抽絲剝繭去破案，簡簡單單破完，然後可以滿足下淚線，滴幾滴眼淚便很暢快。所以監製同編劇度劇本，肯定係設計如何整喊人居多，而收視證明成功了。
～ 尋親同失憶永遠都係受歡迎黃金橋，萬試萬靈，今次又成功。，
～ 麥玲玲有福氣，保證有收視。點解小青姐回大台後的劇一定有麥玲玲客串？旺咯！上次客串《宮心計2》遇到世界杯，收視還是有29點，當年三甲收視之一，今次仲去到36點，福氣這回是，真係有就有，無就無，個人就係欠這些，所以幾努力都係事倍功半。
～ 最後關鍵梗係好多人想睇李施嬅啦！我認為，只是我認為😅
慶餘年第二季劇集 在 China-Drama - [閒聊] 雪中悍刀行15~22 - PTT網頁版 的推薦與評價
上禮拜雖然差點被第一集勸退，不過經過幾集的累積之後，越來越精彩了不過 ... 21樓 推evitalee6937: 徐驍很有慶帝跟萍萍既視感，慶餘年第二季等不來， ... ... <看更多>