[1230隔夜超短劇評][無綫][不懂撒嬌的女人 第14集]
[讚]
今集Gordon同Molly（我都跟咗Mall姐十幾集，應該可以學鐵仁咁叫佢Molly）終於喺返埋一齊，兩個聯合打仗，對抗任哥，以為所向披靡，點知遇到又識撒嬌又有計謀嘅田蜜。其實上集大家都知田蜜註定係做兩位主角之間嘅障礙，但真係估唔到佢唔係喺感情上出招，而係嚟個我得唔到，你哋都唔可以好過嘅玉石俱焚。劇情冚冚聲咁去，高Ling所演繹田蜜嘅沉着應戰真係做得唔錯，仲有啲恐怖。
服裝道具一絲不心苟呀。Molly接受返Gordon之後，佢平時頸鏈粒黑氣石，變咗做粉紅石~
有觀眾補充，話Mall姐叫鐵仁稱呼自己做Molly時，個背景音樂係處境劇《女王辦公室》（2010年）嘅音樂。《女》嘅編審同《撒》一樣，都係朱鏡祺。呢位觀眾睇得好仔細﹗
[彈]
今集營造Molly同Gordon嘅甜蜜時刻唔夠，話咁快就去到田蜜復仇時刻，觀眾都未冧完，又點推到我哋覺得田蜜阻住晒呢，為兩位主角緊張呢？另外，我未覺得田蜜完全倚靠咗Gordon，點解突然之間會令到佢要屈Gordon呢？加上上一集講佢咁高EQ，畀任太打都冇嘢，點解會乜都唔去，做就嚟個玉石俱焚？
合理嘅推斷係田蜜覺得自己唔夠Molly爭（但其實冇乜人知Molly同Gordon發展到咩地步，錫咋喎，就可以激發到田蜜嘅仇恨？），所以無咗愛情，就一個個喺事業上剷除佢哋。首先係Gordon，之後係Molly。佢又有任哥把柄喺手，剷咗佢哋兩個自己做晒佢，得咗。
呢集係編審所講嘅第一季結局。依家聽日會緊接落去做第15集，踏入第二季。如果佢真係好似美劇咁，隔一陣先播，我諗我未必會好有動力追落去。正如頭先咁講，我都感受唔到Molly同Gordon嘅甜蜜，我又點投入到緊張到呢？不過好在佢係接住落，我會繼續睇。
[演員表]
宣萱 飾 Molly / 林文龍 飾 Gordon / 高海寧 飾 田蜜 / 林偉 飾 任哥 / 魏焌皓 飾 鐵仁
#1230隔夜超短劇評 #無綫 #TVB #不懂撒嬌的女人 #宣萱 #林文龍 #高海寧 #林偉 #魏焌皓 高海寧 Ko Ling
愛 鏈 美劇 結局 在 劇名《愛鏈》大結局| 正義得到伸張- Kartik Minz 的推薦與評價
Kartik Minz posted a video to playlist 烏克蘭劇推薦. Apr 25, 2022. 劇名《 愛鏈 》大 結局. 正義得到伸張，有情人終成眷屬！ Annie Chen and 812 others. ... <看更多>