#邊Fuxk大明星大名人呀睇過～
客人BB成日搞到人哋心如鹿撞，但最後次次都畀人欺騙咗感情😭。
今日有位阿姐單拖嚟係下午時段9hea到TeaTime，應該約左人傾嘢啦下，一個人坐大枱話將會有3位。當另一個朋友嚟到嗰陣，9坐姐姐突然急急豬衝埋嚟叫我快啲埋咗佢岩岩Lunch張單！之後仲好激動咁吩咐我：『你一陣千祈！千祈！千祈！唔好行埋嚟！其他人都唔好喎！⋯⋯我一陣嚟位朋友唔太鐘意人見到佢⋯⋯（細細聲）唔怕話埋畀你知⋯⋯一陣嚟嗰位其實係位好出名嘅名人嚟！⋯⋯同埋佢唔鐘意人影佢相嘅⋯⋯所以你幫我留意下，如果見到其他客人影相！你記得阻止喎！同埋盡量啦真係盡量⋯⋯唔好隨便畀人行埋嚟⋯⋯唔該晒唔該晒。』
其實小姐都好有禮貌嘅～縱使要求多多，咁今日又唔太忙，我就同各位同事講番聲啦⋯⋯咁個個都屌晒鬼話：『屌～你唔想畀人見到，但你坐窗口位囉！』係，阿小姐簡坐窗口位😂😂不過，見佢講到咁出名，我哋都好靜心等待畀面位『名人』啦⋯⋯
我心諗阿屌！唔通係郭富城！黎明？？DoDo姐！？家燕媽媽？哇！林峯BB我會9衝㗎喎？😍一直係度不停FF應該點開場白好！見到佢好唔好9衝去開門呢⋯⋯定係等佢行埋嚟扮冷靜呢！屌！如果真係林峯我好想影相喎老味！！！！見到都無得影相既話會好煎熬㗎喎屌！！！！！FF左一排⋯⋯個個都捕實個門口等『大名人』出現。點知⋯⋯9坐姐姐突然9衝去另一枱拎咗3位枱嘅阿叔度⋯⋯迎接佢⋯⋯
莫講話林峯，胡楓都唔L係呀陰公！！！！！
原來位『大名人』一早已經嚟左，我仲好唔小心咁同佢溝通過亦都對望過⋯⋯阿名人大叔自己一個靜99坐係度白等。我成班同事都黑人問號，邊Fuxk大名人呀睇過？？？？？？？而以我所知，都無附近嘅客人BB勁激動大叫『名人大叔』嘅，偷拍就無啦，自拍就有囉～😂😂
其實做得飲食有機會一星期都番L晒工，而家啲電視都好少睇嫁啦。無番係演藝界行走左10幾年我都唔會識，莫講話咩政府官員咩名媛咩大亭呀。我都係最近先知我哋偉大嘅潛建系屍腸係咩樣⋯⋯或者阿垃圾筒焗腸或者林鄭囉。所以客人BB，你哋啲『大名人』『大明星』我真係唔識呀，下次可唔可以唔好畀咁大刺激我呀⋯⋯搞到我個心肝仔羅羅暖咗咁耐。或者不妨講埋『大明星』『大名人』係乜名，等我哋google下，見到佢嚟都可以安排同招呼得貼心啲呀嘛！
#大名人叔叔失覺晒失覺晒
#小姐唔係乞客之不過佢太激動搞到我都好激動姐
#名人大叔其實好Nice屎又風趣嘅無架子喎
#講真就算我鐘意胡楓伯伯我都唔會影啦
#唔想人影相同望真係包間房包個場啦親
#個個派1000蚊Tip屎皇帝都有得你做呀！
#真係威過威威司令呀！
#其實阿叔係咪叫大明
Any肥，你哋做嘢又遇過咩明星／名人係好無架子好Nice嘅？
我：張繼聰哥哥＋梁小冰＋陳豪＋鍾嘉欣BB＋黃浩信豬豬＋歐倩怡姐姐⋯⋯😍
＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿
⭐️新書《乞客咩料Menu》，現已喺各大書局有售，多謝各位支持 ♥：
香港：誠品書店、三聯書店、商務印書館、中華書局、大眾書局、天地圖書及部分樓上書店
澳門：宏達書店、星光書店
台灣：博客來網站、金石堂
