男性朋友：「我個女朋友可以忍受到我有SP，我已經講明俾佢聽，我唔可以只得一個女人！」
我：「但你又唔係人工特別高，點會有女仔忍受到？ 」
男性朋友：「因為我offer 到個女仔想要嘅嘢俾佢。我有超強sex skills，仲有我俾到女仔需要嘅關懷同照顧佢！」
我：「但你俾唔到安全感佢？」
男性朋友：「睇你點睇姐，宜家連女朋友嘅細妹都鍾意左我。」
我：「emmm，到底你有咩咁好呀！又有女朋友，又有SP。」
男性朋友：「我果啲稱呼為正宮同後宮，btw，想唔想試下我有幾勁先？」
我：「不了，你條 J 識轉彎先嚟搵我啦！」
愛情要找到一個專一的人總是難於登天，個機會率跟你能成功爬上喜馬拉雅山一樣，稀奇得很。
身邊朋友有婚後出軌，婚後叫雞，即使有伴侶亦download 交友app，或者簡單在telegram 找SP，又或者跟身邊的朋友friends with benefit。
出軌手法層出不窮，要發現亦一點也不容易。
貌似好老公，既孝順父母，又痛愛仔女，但原來是ptgf 的常客，他將每日的壓力都發洩在ptgf 身上，上床後他又回復一個好爸爸，好老公的角色。
而我朋友有沒有問題，我從來無question 過這樣相處的模式。如果男人講明只有一個女人唔滿足，但個女人又接受他出軌，其實沒有問題，畢竟每人的利益都得以最大化。男人可以滿足性慾，女人或者可以享用男人的財富。
但問題是：
我：「咁你自己有SP，你接唔接受到你女友有SP 先。」
男性朋友：「我接受唔到，邊有男人接受到戴綠帽架。如果我知道一定會分手。」
這才是我不解的地方。如果男人接受不了女人有SP，你又憑什麼覺得女人應該要接受男人出面有SP 呢？
一定有人說：「因為男人天生就定唔到一個女人，男人要有不同的女人去滿足他的性慾。」
其實女人長年同同一個男人啪啪啪都會覺得悶，女人的性慾亦比男人大，一個男人又點滿足到女人性慾的需求呢？
既然男女一樣不能只有單一的伴侶去滿足他們的性慾，所以男人有SP好正常，而女人有SP亦同樣正常吧？那為何我朋友可以自己有SP，但卻容忍不了女朋友有SP呢？因為他們看似開放，但其實還是脫離不了中國傳統的文化。男人可以三妻四妾，但女人就要從一而終，只可以愛他一個，亦不能出軌。
世上那有這樣「著數」的事呢？
一個女人可以接受你出軌，離不開這數個原因：
1. 你財力雄厚，又負責女人的生活洗費，所以即使男人出軌又有什麼所謂呢？當返工姐。
2. 女人自己都出軌，但沒有告訴你，所以才容許你出軌。
3. 女人真係好愛你，所以對你出軌啞忍。但過多數年，女人就會發覺自己完全浪費時間，因為你的啞忍，只不過換來對方的予取予求，最後亦不過是步上慘痛分手這條路。
而我朋友的女友屬於邊類，我就不得而知。但他們剛拍拖不久，我估感情不深，人工又唔係特別高。
所以最後我跟我朋友說：「你有SP唔緊要，但你都要接受你女友有SP，綠帽戴下又有咩所謂，畢竟你都成日俾人䵧綠帽啦！」
IG: Fakemanching1607
