【大富翁存摺🥳面世了】喺山頂嘅「香港大富翁夢想世界」，係全球第1間大富翁主題館💗開幕以來一直都係親子玩樂嘅好去處，亦都係大富翁粉絲嘅朝聖地～
MONOPOLY DREAMS
🔶 大富翁夢想世界銀行存摺🔶
最近推出咗「大富翁夢想世界銀行存摺」💗讓各位大小朋友可以透過場內嘅遊戲，賺取大富翁貨幣🥳然後存入存摺裡！
只要付多HK$30，就可以入場前喺門口櫃位「開戶」同埋辦理存摺，而初次登記仲可以得到M$300 大富翁貨幣💰（兌換率：M$:HK$ 👉🏻10:1)
存摺入面有個QR code，入場後玩遊戲前只要Scan一下💗玩完遊戲所得嘅分數，就會變成大富翁貨幣💰直接存入你戶口。
🔶點樣賺取大富翁貨幣？只要⋯🔶
◻️MiniGames
場內有4個螢幕MiniGame，根據指示Scan了存摺然後玩，玩完之後可以把得到嘅分數存入戶口。（而每日每個小遊戲只可以儲存1次）
◻️執錢遊戲
如果去過，都知道入面有一個好刺激嘅「執錢遊戲😆」，每位入場朋友會有一次機會，入去一個小房間，啲紙幣會周圍飛，會有20秒時間可以不停執錢（唔可以坐低/痞低/彎低身執；一定要企直）💗執到嘅大富翁貨幣，走嘅時候可以去門口櫃位將佢哋入晒落存摺👏🏻
🔶儲咗錢，可以點洗？🔶
賺到嘅大富翁貨幣，真係可以用架👏🏻
兌換率係10:1，即係M$100大富翁貨幣等於$10港幣，可以用嚟：
◻️買門票丶買禮品丶買小食，而最多可享50％優惠🎉紀念商店入面有好多唔同版本嘅大富翁遊戲，都可以用大富翁貨幣以最多半價換購👍🏼
◻️買「地契貼紙」貼在存摺內，集齊1套10款嘅貼紙就可以換領大奬！🥳依家大獎係一副「香港特別版大富翁遊戲旅行裝」。
而存摺有效期為365日，即係下次再嚟可以帶返同1本存摺，繼續玩繼續賺錢存錢💰入去。
🔶介紹返先🔶
主題館入面仲有4D影院，亦珍藏咗好多大富翁展品，包括有全球第一副大富翁桌遊！館內仲有好多大富翁遊戲入面嘅經典元素，💧水務局丶💰銀行丶火車站丶機會中嘅即時入獄，全部都展現眼前，俾人盡情打卡。
每人仲可以打印一張自己專屬嘅地契留為紀念🥳臨走前玩埋電子幸運棋盤抽獎，獎品包括有山頂商戶嘅禮券⋯
我前幾日就同埋我嘅兒甥仔女一齊去，玩到唔捨得走🥳 邊玩邊賺大富翁貨幣，小朋友仲可以從中學習「儲蓄」嘅理財概念💰透過大富翁存摺，體會一點一滴去累積財富💰
🔶INFO🔶
香港大富翁夢想世界™
門票：成人$260；小童＄220
開放時間：10:00-20:00
官網： www.monopolydreams.com
地址：香港山頂道118號山頂廣場3樓301號舖
.-.-.-.-.-.-.-.-.-.-.-.-.-.-.-.-.-
💗 歡迎訂閱YouTube頻道
▶️ Scarlett To 旅遊玩樂誌
http://www.youtube.com/c/ScarlettTo
💗歡迎追蹤
IG: https://www.instagram.com/scarlett_to/
IG: https://www.instagram.com/scarlett_to_foodie
-.-.-.-.-.-.-.-.-.-.--.-.-.-.-.-.
#香港大富翁夢想世界 #monopolydreams #大富翁 #香港好去處 #山頂 #thepeak #hk #hongkong #香港親子活動 #親子活動好去
大富翁香港特別版 在 MONOPOLY DREAMS - 【大富翁夢想世界™️香港特別版 的推薦與評價
為紀念首間大富翁主題館落戶開幕，大富翁夢想世界™️香港特別版大富翁現已推出！ 除了經典遊戲牌，更有8張黃金獎券隨機藏在盒內，包括維港豪華遊艇晚餐，五星級酒店總統 ... ... <看更多>