以前讀過一句「魔鬼為達到目的，不惜引用聖經」，依家原來係「使團為籌夠欠款，不惜借用嫦娥」，話晒都係一個宗教團體，大佬，邊個平時叫人唔好參加萬聖節慶祝、邊個又話傳統節日係拜偶象？依家一財困，就即刻出月餅，俾少少骨氣睇下好冇？
唔知點解，人妻先生同月餅廣告真係好有緣。上年婊揚暴動牌加埋機場兩隻萬聖節概念廣告，今年終於有影音使團黎幫手破地獄。上年個彼岸花嚇人？影音使團直情叫大家送餅，就能飛越十八層「與祂團圓」，_你，正呀喂！
另外，邊個天才寫文案？害我讀左三次都係「今年中秋，人神共憤」完全係腦筋急轉彎，家陣你係咪玩野先？明明係中文廣告，耶穌像旁邊個me係咩意思？你代表神？定係你與上帝同在？說好的謙卑呢？我係唔明點解一個fan club可以直情做埋神嘅代言人，甚至將課金的金主放到神的光環之內。這種傲慢，比起當年的贖罪券只有過之而無不及。（註：有讀者補充TME，是他們公司的縮寫，但把自己敬拜的對象變成自己公司名再加個光環落去，依家邊個才是僕人、誰才是主？敬畏耶和華是智慧的開端啊...）
正所謂「女人心、海底針」；「天使心、屈課金」講到尾原來仲欠緊780萬，結果只能出售這種吃相難看的月餅。其實，三個月租金320萬，而人工都只係210萬，你話課金俾員工分晒，都叫做心甘命抵，但原來係俾你拎去餵地產霸權？May I 福 you？有邊間NGO可以華麗地每個月洗一百萬落租金度，仲可以臉不紅心不跳氣不喘地叫人捐錢？
好啦，唔好話我淨係識鬧，又唔俾建議。我覺得作為教徒，遇到問題係應該先查經，從上主的話語裡尋求聖靈的聲音。各位弟兄姊妹，恭讀《約翰福音十三章五節》「（耶穌）隨後把水倒在盆裏，就洗門徒的腳，並用自己所束的手巾擦乾。」你明唔明神嘅旨意係咩未呀？係叫你唔好洗腳唔抹腳呀！
你地班友仔，數簿又唔睇、聖經又唔睇，走去賣月餅仔，係咪激死穌哥搵山拜？
#查經有益身心
#我其實都鍾意讀聖經
#唔讀聖經點睇得明博物館啲畫
#再唔係咪賣葡萄酒囉
#新而永久的盟約之血
#反正中秋月餅咁油膩飲杯紅酒降血壓咪幾好
#咦你咪就係傳說中不善理財的僕人
#有冇小朋友可以話俾我知最後不善理財的僕人嘅下場係點呢
#全能的神又能否製造葉家寶整唔死嘅電視台
#全能悖論2018
唔讀聖經點睇得明博物館啲畫 在 倫敦人妻先生手記- 以前讀過一句「魔鬼為達到目的，不惜引用聖經 ... 的推薦與評價
你地班友仔，數簿又唔睇、聖經又唔睇，走去賣月餅仔，係咪激死穌哥搵山拜？ #查經有益身心 #我其實都鍾意讀聖經 #唔讀聖經點睇得明博物館啲畫 #再唔係咪賣葡萄酒囉 ... <看更多>