［#我的採訪手記］
唔講可能好多人唔知，其實我最先接觸同接受較專業嘅訓練唔係籃球，而係乒乓波。
喺小學四年級開始跟教練，偶像係劉國樑，打直板橫打，舊時參加分齡賽同學界，當然未去到高水平，但一直對乒乓球有種情意結，但上到中學轉玩籃球而慢慢放下球拍。
因工作關係，我跟這個老朋友重聚。以往喺香港間中都有評述本地舉行嘅乒乓波比賽，而今次里約奧運，能夠於場館跟前世界乒乓球冠軍江嘉良以及何輝兩位前輩一齊講比賽，學到嘢又好玩。
馬龍同丁寧奪男女單冠軍，係最期待嘅畫面。至於港隊，單隊雖然失利，但女子團體賽戰勝中華台北，好有機會繼續晉級，衝擊奬牌；而男團預計會贏首圈而硬撼日本。賽事將會喺香港時間14/8 半夜兩點進行，希望球迷可以捱幾日眼訓，支持一下香港運動員。
#rio2016 #olympics #brazil #brasil #tabletennis #commentary #hk #hkig #hongkong #tvbsports #里約奧運 #廣角奧運
