#我的日記
二零一九年六月十二日
話說今日忽然好似返返去五年前咁
不過今次嘅唔同
係無人話俾我哋知 我地決定做啲咩
而係各自自發性但又團結地
一致做緊一件事
我亦發現大家今次喺網上都未必會指罵對方
我哋更專注知道係為件事
而唔係再指罵同對方理論落去
而用開網上平台嘅你又會忽然發現
有啲人政治冷感
但當然我亦覺得人哋唔講唔代表佢唔贊同
正等於無上街嘅人未必唔係一條心
但當你發現有啲人係呢啲時候
仲放緊自己吃喝玩樂既post
我自己 就覺得心寒一寒 到底佢諗緊乜嘢
定佢唔用腦去諗野 定.. 我都唔知佢做乜X嘢
係呢個年代 我哋害怕被秋後算帳
而今時今日嘅警察再唔係保護市民
我曾經喺網上面見過一句留言
話點解我哋納既税
係幫助佢哋買更多嘅武器 去傷害我哋
不過而家問10萬個為什麼 都唔會有人答到
因為喺香港有好多野 好多事情
已經係正常嘅唔正常
明明我哋只不過係一個地球人
但我哋香港人竟然訓練到
知道應該點樣對付外星人
佢哋用嘅係昂貴嘅裝備
我哋係 口罩 頭盔 生理鹽水
佢哋用既係納稅人錢買返嚟嘅催淚蛋
而我哋用嘅係勇氣 堅持 同耐性
近年香港人成日因為驚俾人呃
所以平時變得好冷漠
但當我哋面對呢一件嘅事時候
大家大叫一句要水 傘 保鮮紙
就有不斷嘅資源傳向同一個地方
做一個要頭盔嘅手勢 就會有頭盔出現
大家可以係無排練嘅情況之下
同超級大量多嘅人一齊合作做一件事
(我哋應該可以申請健力士紀錄
... 完成左全球最大型嘅收買佬遊戲)
香港人 洗咩睇marvel呀
你哋個個都冇特異功能又冇咩裝甲
都願意企出嚟 守護我哋嘅屋企
我覺得你哋勁過晒所有SUPER HERO
I’m super proud to be a HONGKONGER!! .
明天會是如何 我們不知道
但世界知道我們發生什麼事
天佑香港 🖤 香港加油
#picturefromappledaily
#睇左live20個鐘 #睇通宵 #因為訓唔到
#再次多謝各位勇士
#iamproudtobeahongkonger
