關於 你知道唔知道有人掛住你重溫 ，我們在網路上蒐集到這些相關的討論、資訊與評價

今日放工又去左幫襯我上次拍大食片灃美小食💛😋順便幫同事和朋友去買愛心飯券，最掛住佢嘅糯米釀雞翼，老火湯同埋碗仔翅😋又同老闆娘吹左陣水，得知疫情之下佢哋啲生意都差咗好多😢☹️不過老闆娘都仍然會堅持撐住，佢仲話嚟緊新年嘅愛心券仲加碼，每個公公婆婆或者有需要嘅人士過嚟拎愛心飯佢仲會另外送一個細嘅蘿蔔糕，等佢哋都可以過一個溫暖嘅新年🥰🥺
.
其實良心店都好多，但係真正低調做實事接地氣去幫返地區嘅有需要人士嘅就唔多，我仲好印象深刻我上次拍大食片時，在等嘢食果40分鐘見到真係好多公公婆婆過嚟拎愛心飯，所以希望大家都繼續支持同埋珍惜呢啲真正嘅良心小店。💛💛🙇🏻‍♂️
.
支持嘅方式當然可以過去幫襯佢哋啦，另外亦都可以買愛心飯券，愛心飯券$28一張比佢哋嘅飯正常價錢為平，買完嘅愛心飯券你可以自己拎去派比有需要嘅人，又或者放響嗰度等佢哋定期會去派發或作為待用餐，好似每次我自己或者幫朋友買完我都係放響嗰度等佢幫我哋派發，總之希望大家都可以繼續支持呢啲良心小店啦，變相就支持咗好多地區上有需要嘅人，好人一生平安🙏🏻💛
.
店名：灃美小食💛
深水埗元洲街1F號地舖
.
知道大家都想重溫上次條大食片㗎啦😉影片傳送門在此👉🏻 https://youtu.be/8jf_s5OpVsg @ 灃美小食（元州街）

「KORE wobble chair」你問我答

估唔到第一次拍開箱文分享 #KORE wobble chair🪑，家長都覺得小朋友好需要呢張櫈，對佢地上堂及做功課時非常有用，其實OTmama都好認同，尤其係而家主要上網課，好多時都只係上主科，少左小息比佢地去操場跑跑跳跳活動下🏃‍♂️，又無左體育堂比佢地滿足感覺需要，自自然然小朋友就算坐低都會郁身郁勢，坐唔定，甚至突然走開😓

OTmama綜合左各位家長對呢張櫈的疑問，在呢度一次過解答大家，希望幫到大家啦~😉

❓KORE wobble chair有咩用?
👩‍🏫無論小朋友及大人每天都需要有 #足夠嘅活動 或運動去滿足對感覺刺激嘅需要，包括 #前庭平衡覺及本體覺，從外界接收到的感覺訊息後，經過大腦處理訊息後，再指揮身體作出適當的反應，其中包括能夠有好嘅姿勢控制能力去完成活動，例如做功課時保持腰背挺直，或走路時不易跌倒等，以及保持良好的專注以應付工作。但當我地得不到足夠嘅感覺刺激時，可能會表現得不專注、反應呆滯，或者相反地，會四處尋求刺激，周圍走或衝撞，未能安坐，情緒亦表現高漲。

Wobble Chair主要是 #底部弧型加上防滾邊、讓椅子可以有效順暢及輕柔咁擺動及返回原位而不會容易翻倒。而小朋友或大人可透過 #活動坐姿(Active sitting)可以不停感受適當嘅前庭平衡覺及本體覺刺激，除了鍛練及保護脊椎發育健康、讓膝蓋、臀部和背部不斷尋找到舒適的位置外、亦可幫助身心保持住 #清醒專注狀態(Arousal level)。小朋友在不干擾其他人嘅情況下，同時能夠滿足要動的需要，wobble chair是其中一個好的選擇。

❓邊啲人適合坐wobble chair？
👩‍🏫基本上任何人都適合坐，因為每個人都需要感覺刺激及活動身體。而有研究顯示患有 #ADHD 的小朋友，他們運用了活動坐姿後，上課嘅專注力提升了，同時在坐椅上的表現也改善了，當然學習效果亦有改變。而 #感覺統合失調 嘅小朋友(患有 #ASD 的小朋友大部份都有感覺統合失調)，他們有的對感覺刺激表現尋求，會表現得很衝動，有些更會到處衝撞，做高難度動作；有的相反地對感覺刺激反應過低，即是要很多感覺輸入才有反應，所以wobble chair亦很適合這一類小朋友。

❓點樣選擇適當嘅椅子高度？
👩‍🏫根據小朋友的身高，當他坐在椅子上時，膝蓋屈曲角度大約100度，即雙腳既能放在地上，同時不會屈住身體。當然桌子嘅高度亦要配合。如果小朋友已到小學階段，可考慮可調校高度嘅椅子。

❓小朋友會唔會掛住「玩」櫈而唔專心架？
👩‍🏫這張椅子就是給小朋友「郁」，所以郁係正常的，而這張椅就是希望他們能夠以活動坐姿提升專注。當然家長要先評估或考慮何時需要使用這張椅子，同時亦預告給小朋友知道這張椅子的用途，甚麼時候會坐等等。一般情況下調校椅子高度是十分安全的，若家長認為小朋友比較好奇，會經常調校坐椅，則可考慮不可調校高度的款式。

❓係咪淨係坐呢張椅就可以改善專注？
👩‍🏫坐wobble chair係其中一個運用活動坐姿嘅方法提升小朋友坐著學習嘅專注，但更重要嘅係家長們應該 #安排合適的活動，讓小朋友在感覺方面得到滿足，但並不代表要過量給予；家長在課堂間給予小朋友 #適當的時間休息，這樣才會相得益彰。所以OTmama經常提醒翹仔轉堂要飲水，遠離電腦；課後或放工後設計活動跟雙翹玩，甚至配合天然方法令他們學習更有效率(有機會再分享)

朋友剛好是Kore Wobble Chair的香港代理，如果有興趣的朋友可以做齊以下步驟就會取得OTfans的限時優惠碼！讓子女「動住坐，坐住學」
1. 👍讚好「雙翹與職業治療師媽媽」專頁
2. 🌐公開分享呢個POST
3. 🗣喺呢個POST留言「想要KORE wobble chair限時優惠碼」

你見到你留言有LIKE，即是OTmama已經收到，就會盡力盡快回覆你地架啦！
想重溫開箱文，可以click入以下傳送門👇
http://bit.ly/KOREwobblechair

其實除左Wobble Chair，#Floorwobbler 都好適合大人小朋友去玩，OTmama諗住放假拍返輯 「#10個輕鬆學會的KOREFloorWobbler活動」，有無人有興趣睇呀？你地知啦，要有人撐男女主角先肯比我拍架(真別扭🤭~)

記得LIKE & SHARE!!!新一年繼續努力!

#轉場需時 #比少少時間

【 李香琴逝世 】
MeWe版本：http://bit.ly/3rUvdXF

收到李香琴逝世的消息後，我走到睡房的書架上，找回放在資料夾內的一篇30年前出版、刊於《壹週刊》的琴姐訪問影印本，我知道，我有很多事情想寫下來。

第一個原因，是琴姐跟已故的譚炳文一樣，她於香港電視業的地位舉足輕重，令人難忘的演出多不勝數；其次，一直覺得，琴姐的外型、打扮，甚至聲綫，與已於多年前離世的嫲嫲有點相似，這是小時候在嫲嫲家看電視時見到李香琴之後的既定印象，興許她倆經歷相似，都是30年代出世的女性，再由中國大陸遷居來到香港，所以或多或少都散發同類氣息，也可能，是我一直都很掛念自己的嫲嫲，所以望見琴姐，都會有點親切感，所以想以文字向琴姐致敬。

我由傍晚六時許開始動筆，寫了數小時才完成，因為琴姐瓣數多，而且記憶總是不可靠，她當打之時，都已經距離今天很遠了，得一邊寫，一邊花時間考證，收筆一刻，很疲累，但這些零碎的資料，都值得紀錄下來，讓後人參閱。

感謝琴姐生前為電視迷帶來那麼多美好回憶。

＃＃＃＃＃＃＃＃＃＃＃＃＃＃＃

「再見！唔好怪我第一句就同你講再見，因為我真係專程嚟同你道別㗎！」

從影多年的資深藝人李香琴，周一（4/1）中午不幸於伊利沙伯醫院離世，終年88歲，縱橫演藝圈60多年的繽紛人生，正式劃上句號，收到新聞短訊之後，立即在串流音樂平台重溫陳輝陽經典作《三千年前》（2007），「琴姐」聲演陳慧創作的對白，情感豐沛，聲線淒酸，一句「我失去嘅嘢實在太多啦！」，一句「你一定會好唔捨得我！」，配合關淑怡演唱的「趁熄滅前，還可一見」，對照這則消息，倍覺傷感。

「我記得，你同我去過嘅每一個地方，嗰啲地方，統統留喺我心裏面。」

其中一個地方是澳門的平安大戲院，那裏是她開展演藝事業的起點。

李香琴原名李瑞琴，祖父李亞敬舊時於廣東和澳門一帶經商，經營海產和賣米生意，家境富裕。琴姐於順德出世滿月後，父親李炳光舉家遷往澳門定居，據知李父經營錢莊及紙料生意，共有5位太太，而琴姐是家中長女，被視為掌上明珠。

原建於澳門亞美打利庇盧大馬路的平安大戲院，是李香琴演藝事業的起點。

30年前，因為拍攝亞視節目《向每顆星致敬》 （https://bit.ly/2JLjt8y） ，琴姐坐船過大海重回成長地，憶起往事。「就係呢間戲院，改變我一生嘅命運，以前任劍輝、白雪仙經常都喺度演粵劇嘅，咁阿嫲帶我嚟睇戲啦，睇睇下，我自己愛上咗粵劇，就算阿嫲唔帶我嚟，我自己都靜靜嚟呀，有功課都唔做，掛住嚟睇大戲，鍾意學戲，經過好多轉折，就搵到個師傅（小鶯鶯）學戲，學咗半年左右喇，師傅介紹我踏台板。真係橋喎，我第一次踏台板亦都係喺呢間平安大戲院。」時為一九四六年，當時琴姐才14歲，但大概由那時開始，便沒有想過要做「正印花旦」。「我認為做『正印花旦』壓力好大，點解呢？因為啲人會睇你做得好唔好，冚唪唥（焦點）都喺自己身上，如果做『第二花旦』就唔係咁喇，（如果）你個『正印花旦』演得跩啲，我做得好啲，就可以蓋過你，我幾有滿足感！」

何以演大戲會漸漸走進大銀幕？就在「糴梅香」（初踏台板之意）之後一年，即一九四七年，琴姐跟着盧冠廷父母（盧海天與養母譚秀珍）所屬的戲班「日月星劇團」到越南和新加坡做大戲，同行的還有「關師傅」關德興，後來關德興先返港拍戲，之後給琴姐寄信，指可以介紹她拍戲，琴姐開心到彈起，因為她會幻想自己有機會跟偶像張瑛、白燕和梅綺合作，豈料一入片場演出的銀幕處女作是《黃飛鴻大鬧花燈》（1956）（https://bit.ly/2MCw1Aj） ，飾演侍婢菊香，片酬三百，之後又經羅劍郎引薦，於電影中扮演奸角，憑《鴛鴦江遺恨》（1960）一「奸」成名，直至遇上「西宮」角色，大戰「東宮」余麗珍，獲得「一代奸妃」和「西宮琴」的稱號，迎來第一個事業高峰。琴姐曾在電視節目《正識第一》（2011）透露，為了演好奸角，要望鏡苦練：「走去睇住塊鏡講對白，修嘴型，修眼神，咁樣慢慢練番嚟！（如果演）陰毒，額頭要收細，連講說話（語氣）都唔同！」

此後，因為粵語片市場興旺，琴姐相當搶手，非常多產，更試過一年最多拍過50齣戲，但她坦言初出道的時候確實有捱過苦，因為她屬於獨立演員，沒有後台撐住。「關師傅唔可以部部帶挈我，我又唔打得，打戲都係搵任劍輝、于素秋，我又冇大老倌帶住，任冰兒都有任劍輝，譚倩紅都有方艷芬。試過有一次，我連接兩部戲，後來通告改咗，入到片場先知兩個（角色）都換咗人，我問導演點解要換人，佢反問我：你有冇大老倌帶住？我咩都講唔出。」

後來，父親李炳光因生意失敗，家道中落，琴姐要負起養家責任，為了令父母弟妹有更舒適的生活，於是只好甚麼片約都接受，那怕是別人不願意飾演的奸角，一樣去馬，甚至知道別人拖欠她片酬，她依然不敢投訴，生怕將來再沒有機會演出。可是，無限忍耐沒有讓琴姐好過，當她的戲愈演愈多，片酬由最初三百元升至二千五百元時，電影公司卻嫌她騷錢貴，找了另一位演員頂替，當年專訪裏公開名字，那人是羅蘭。演藝圈從來現實，三分努力七分運氣，當她在電影圈前景暗淡時，其實粵語片亦逐漸式微，取而代之的是電視製作，無綫電視啟播後兩年，當時36歲的琴姐順理成章往九龍塘廣播道尋找機會，先加入無綫，拍過劇集《錄音機情殺案》後，一九七○年轉投麗的映聲，拍攝《家春秋》，數年後又回歸大台，由一九七二年開始成為《歡樂今宵》的台柱之一，另外亦不斷拍劇：《狂潮》（1976）、《家變》（1977）、《網中人》（1979）、《親情》、《輪流傳》（1980），數之不盡，套套經典。

琴姐憑眼神、面容和聲線，能夠將陰險、淒涼、霸氣、嬌嗲、滑稽、慈祥的角色演得入木三分，角色是她，她就是角色，在鏡頭前那種揮灑自如，你未必記得劇名戲名，但一講起，畫面就會浮現。如《無頭東宮教子鬧金鑾》（1961）扮演西宮，大戰「東宮」余麗珍，或者《還看今朝》（1990）的姚文珠，令人狠得咬牙切齒，欲當街指罵；又如《輪流傳》（1980）和《流氓大亨》（1986）扮演慈母，面對命途多舛的人生，有苦自己知，總是含住泡眼淚，淒涼得教人鼻酸；當然還有在《他來自江湖》（1989）的「靚姑」，有一幕她與何鑫淼（周星馳飾）在何英彪（吳孟達飾）面前唱雙簧 （https://bit.ly/2Lq5xkF） ，或者於《家有囍事》（1992）裏扮演奶奶大叫「世界末日啦！」，總是睇一次笑一次，多年不變。

說霸氣，又怎能不提《倚天屠龍記》（1986）的滅絕師太，以及《碧血青天楊家將》（1994）的佘太君？還有晚期她在《溏心風暴之家好月圓》（2008）飾演的甘佘君麗，一句「唔使驚，嫲嫲喺大廳」絕對見字如見聲吧。這邊演活傳統價值觀下的中國女性，其實曾幾何時，她亦試過跟歐美時尚接軌，譬如《彩色人生》（1979）扮演模特兒公司老闆娘的Mary，每一集都更換造型，媲美繆騫人的《甜姐兒》，應該沒有很多人看過；某年在亞視台慶夜穿金色吊帶舞衣「惡搞」麥當娜（Madonna）跳唱《Vogue》，盡顯其時尚大膽一面，原來是很多人的Best Kept Secret。多才多藝就是如此，因為琴姐很年輕的時候已明白，要在戲行生存，除了專業，還是專業。

在興盛時代的無綫打滾十多年後，琴姐已非常有名，但為了還人情債給周梁淑怡（時任亞視行政總裁），1990年決定過檔，那時她在大台的最後一套劇集，正是《他來自江湖》，她記得拍到最後一集的時候，時任無綫高層李沛權搭着她的膊頭，就要為她開「期票」：「琴姐，兩年後就要返嚟喇，使唔使簽定合約？點知我過咗亞視，李沛權都跟埋過嚟，到我再續約（亞視），佢又走喇，所以做人真係唔使咁認真！」就是這一句話，反映出琴姐當年受訪時的心境：名氣、錢財如浮雲，放過自己一馬，別太着緊，因為在這一行打滾了數十年，有甚麼事情沒見過呢，執念只會令自己活得不開心。

她享受演出，但心頭不高，沒想過要做女主角。「我入戲行，阿爸同我講，結婚，未必嫁得好，你鍾意做戲就做戲，話總之搵到食就算。我從來冇諗過做正印，做二、三幫已經心滿意足喇！」這段說話，摘自1992年10月16日出版的《壹週刊》「金峯集」專欄，當時負責採訪的是李志豪，2016年他離開壹傳媒的時候，職位是《壹週刊》社長。重讀這篇30年前的人物專訪，會看到琴姐的人生觀：人生不過是一場夢，不用太認真，更不可有風駛盡𢃇。

「我哋呢行真係偏門嚟㗎，你唔知幾時會唔紅，亦唔知幾時會紅，諗都諗唔到。所以我覺得紅嘅時候唔好太得意，唔好（畀）勝利沖昏頭腦，唔係咁樣，一跌咪好辛苦囉！」賺到錢，生活過得去便可以了，琴姐當時認為自己條命已如打牌打到北圈，剩下的，都是Bonus，沒有很多事情可以傷害她，就算以往吃過的苦頭，變成回憶後亦只剩下快樂的片段。「我好樂觀，從來冇恨自己可以有家財億萬，我經常覺得，唔好成日諗住人哋坐Benz（平治）230，我就要坐450，咁樣成日都唔會開心。」

惟獨有一件事，任時日過了多久，她仍然放不下，那是母親突然去世。一九六五年某夜，琴姐在戲院看戲，突然銀幕上出現了一句字幕，大意是：「李香琴，即出門口，有人找你！」

此話一出，現場霎時間亂作一團，琴姐以為是否有人整蠱自己，當她走出戲院門外，赫然見到妹妹正在等她，原來是她的媽媽因為心臟病發過世。「佢個心唔舒服，醫生以為係胃病，打完針之後半個鐘就死咗。」這件事對琴姐打擊很大，因為她還以為自己終於可以讓母親過得好一點，但計劃從來趕不上變化。「我啱啱儲夠錢喺太子道買咗層樓，屋契寫咗佢個名。」自己無法見到母親最後一面，成為一生最痛，但也知道那是每個人的必經階段，所以很早已吩咐女兒，如果有一天自己口齒不清，或再不能照顧自己時，便送去老人院，不要為家人添麻煩。今天看新聞，知道琴姐在女兒陪伴下撒手塵寰，生離死別當然教人傷心，但她的精彩一生，將會永遠刻在大家的心底裏，永誌不忘。

原文刊於《香港01》：http://bit.ly/3orZBqi

【 相關文章 】
譚炳文逝世：http://bit.ly/2XbtH5p

（05012021）

＃游大東 ＃游大東影視筆記 ＃李香琴 ＃電視史話 ＃三千年前 ＃武視 ＃無綫 ＃家有囍事 ＃周星馳 快樂的 ATV 亞視數碼媒體 William on the way 葉一知 港女講劇 做乜膠睇電視 歐錦棠 Stephen Au 鄭美姿 譚蕙芸 #TVB 阿果 ＃澳門 ＃粵劇 ＃港劇 十字牌早餐 LAW少 午夜翻牆 紅眼