關於 仁愛堂課程好唔好 ，我們在網路上蒐集到這些相關的討論、資訊與評價

楊愛瑾的回憶｜幸福面前的小遺憾

說起屯門成長藝人，除了住在大興邨的鄧麗欣，還有另外一位女歌手，我很想訪問一下。不過入行數年，苦無合作機會，最後只好請來鄧麗欣幫忙，藉著這個專欄代我邀請一下她的好姊妹。

很多年前的一個晚上，我跟朋友在彩華花園一間食店門外吃東西，突然看到一位少女從彩華花園大堂走出來，朋友們都行了一個注目禮，回個神後，大家都異口同聲說「呢個女仔好靚」。

後來，我在電視裡頭看到一個新晉女子組合表演，幾位少女當中，我第一眼就認得出她，連忙打電話給一起吃飯的朋友，要朋友証實一下「你哋睇吓係唔係佢？」

「係佢呀。」
「叫咩名呀？」
「唔知呀，都未唱完。」

她叫楊愛瑾。

又後來，很多年後，我租了當年吃飯的舖位來做生意，有朋友偶然會說起「Miki以前都係住呢度」時，我也會大叫一句「係！我當年就係坐喺你宜家坐呢個位，兜口兜面見到佢喺大堂行出嚟！」

為了做這個訪問，我維基了一下她，最後又發現，她是我小學的師妹。這些巧合都不算什麼，但足夠讓我用一個訪問，來紀錄一下這種小緣份。

好，開始了。

自小在觀塘長大，三年級時搬到屯門，插班到仁愛堂劉皇發小學，中一時入讀了梁球琚，中二時又轉到離家較遠的馬可賓，然後匆匆幾年又離開校園，搖身變成一顆小明星。我問Miki童年有什麼遺憾，她想了良久，說出太頻繁轉換環境而沒有跟其中的朋友和同學好好保持關係，直到現在也沒有一位稱得上是青梅竹馬的朋友，也許是一種小遺憾。

Miki的人很文靜，說話不慍不火，這跟她的好姊妹Stephy有點相近，但細聽她們的成長史起來，又感覺是兩個世界的人。Miki的靜態，像是一種養成，自小成長的環境安逸，初中時有爸爸每天接送上學，直到青春期反叛，覺得這種與別不同有點尷尬，開始選擇早點下車，跟其他同學一樣走一段小路回校，算得上是幸福的小煩惱。

小學放學後，跟同學到兆安苑的遊樂場玩耍，又或許是中學後學會到置樂利寶商場吃的「撈撈麵」，成為了Miki的屯門成長回憶之一，直到現在家人也住在屯門，但已搬離了彩華花園。

跟Miki說著，慢慢感受到她從小的萬千寵愛，問到她中學時有沒有難忘的經歷，她跟我分享了一件很「突破」的事情。

她於中學時曾經參加一個叫「基督少年軍」的課外團體，透過一次考取獎章的活動，她參與一個未知內容的行程，心裡想著可能只是一些普通的一天行山課程。報了名，最後才知道是遠足露營。幾位老師帶著幾位學生，一行十人，每位學生也背著比自己還要大的背包，裡面都是兩日一夜的裝備，Miki從來未試過這種上山涉水的活動，加上原本一起作伴的最好朋友又爽約。她本來就想退出，不過思前想後，最後還是出席了。

那短短兩天一夜的行程，她經歷了汗水與疲累，但同時也感受到身邊的愛與鼓勵，最後她完成了這個行程，她覺得自己解鎖了自己一個小成就，所以一直銘記至今。

說到初戀，也是發生在小學尾聲的時候，愛上一個小男生，兩小無猜地放學便到處逛，屯門公園是她們定情的地方，而那條熟悉的小拱橋，亦是兩人第一次拖手的地方。

這段感情很快便結束了，原因忘了，也不重要，生命中的小流星，劃過一筆就足夠。

近兩年，Miki將一個寄存在別的地方很久的鋼琴帶回家，雖然家庭生活有點忙，但她一直想於生活中留一點小空間，去做一些自己喜歡的事。中學時曾經考過五級鋼琴，喜愛聽Classical，比聽流行曲還要多，少女都喜歡優雅，一幀自彈自唱的畫面，曾經是她的小小目標，但學到五級時要忙的事又太多，一放下就是一段長日子，我勸她要趕快拾起，畢竟能令自己鍾愛的事，並不容易保持，既然一直都沒有忘記，那就去好好重拾一番。

最後想說到一件事，我聽來覺得有點感動的。

Miki住在彩華花園的時候，認識一個有三姊妹的世交家庭，三位姐姐都比她年長，但對Miki都寵愛有加。每次當Miki放學回家後，很多時候都會到她們的家玩，這三姊妹的二妹跟三妹跟Miki比較熟，可能是年紀比較近，那種接觸也比較親厚。

Miki沒有具體說到什麼，只簡單的說到在她們家裡就是吃吃零食，看看電視又一天，但就是多年後也沒有忘記在她們家中玩樂的感覺。可能就是從小轉換過太多地方，就像前面所說沒有好好留住值得留下的朋友，所以三位姐姐這一種「陪伴」，讓Miki一直記掛在心中。

直到Miki中學某一年，這三姊妹突然要搬了，可能年紀尚小，不敢表達也不知道如何表達，最後Miki跟這三位姐姐也失去聯絡，再也沒有見面。

我問Miki想跟這三位姐姐再見面嗎，她說也希望可以見一面，在整個訪談過程中，她這個答案格外顯得有力量，我也相信這是放在她心裡一直想完成的願望。

在此也希望，看到這裡的朋友，如果有任何蛛絲馬跡，又或者妳們就是當年的三位姐姐，希望妳可以聯繫這位當年的小妹妹，大家見個面問個好，這會是一件美事。

Miki最後也說到，沒有好好讀書，經常希望長大出來社會工作，是她另外一個小遺憾。她覺得不一定要讀很多很多的書，但人在生命的每一個階段，也應該要做好當前的事，不要亂了程序，最後怕是因快得慢，留下一個心裡的小缺口。

可能有一天，這位全職的幸福媽媽會再次拿起書本，讀一個未完的學位，去完成了自己心裡To do list的每一件小事，撫平那些擱在幸福之前的一個又一個小遺憾，

祝願妳都可以成真。

____________________________________________________________

薛可正TBC文章收費平台《榕樹頭唔斷氣》現已推出
每周定時更新文章，
文字有價，多多支持。
免費試閱：

「屯門」：
https://tbcstory.com/channel/eb7ff043-91c7-406e-a582-bbc56ed29421/episode/4d2d094f-bcdd-4ed5-a3c2-5662c4f08312?fbclid=IwAR2w4pDjm3aLurTihmprFfYXN0gwDfQrTLqloJpWKpxW5wQSZg0xwsuqyRY

「發發」：
https://tbcstory.com/channel/eb7ff043-91c7-406e-a582-bbc56ed29421/episode/77abb98f-06b4-4049-b0dd-5ca8dcdd045e?fbclid=IwAR2B3OTC0uldRzndTgBKd8bfjhBE3PLKJFZCeozaf8uM6CO9109_GfQk50s

「鄧麗欣的回憶」：
https://tbcstory.com/channel/eb7ff043-91c7-406e-a582-bbc56ed29421/episode/6b96f1ca-e9ba-4b1a-88f2-20b324d30232?fbclid=IwAR1QSeITwl1oJkMyg4mkA-hnLRNjsYy9pZ__PQquEBsDstQj5jNLf8-e5SQ

「閃過的友情」：
https://tbcstory.com/channel/eb7ff043-91c7-406e-a582-bbc56ed29421/episode/ae0bcd8d-c3c1-42be-96a0-2689b18ec832?fbclid=IwAR1nkPXEqBCuDE964Gahn81Vcgl-uEm-dkGbaUoHsfGPjl71t0P-yvfiNaI

查詢網址：tbcstory.com

*******************************************************
IG：sithoching
Page：薛可正

［肺炎死得人多有利殯儀館？］就唔係喎，諗下解？

獨角號FB Post：https://fbook.cc/3EL3　
全文：https://fbook.cc/3ES8

TLDR：個個求其燒咗佢算啦，仲搞風光大葬咩。量升，補唔返價跌。

彭博參考文：Virus Deaths Hit 100,000 and U.S. Funeral Business Is in Trouble　（https://bityl.co/3BOh）

1. 照舊，重點合作機構，獨家供稿。支持埃汾就支持埋獨角金融，記得like 佢地Page．

2. 繼續都係舊文回帶，但已經過時嘅我當然唔會。實則我寫文時都會顧及呢樣嘢，供稿畀其他人多數都揀啲講大環境嘢嘅，唔係下星期市況，唔係新聞評論。

3. 咁亦照舊，又係整篇導讀畀你，分分鐘導讀長過原因。而以上呢堆嘢，我每次都照寫一次新的，唔鍾意畀讀者見到copy and paste．

4. 十分簡單，肺炎嘅嘢，好多人死。中國聽講之前好多，而家唔知（但似乎之前講咩武漢排隊領骨灰呀之類，而家冇乜）。美國亦係重災區。固然係因為人口多，亦因為多人留意。

5. 最初甚至有人質疑，會唔會啲人唔出街唔返工唔會畀車撞，加上又戴口罩應該少啲人流感死。會唔會 net net 計，死嘅人冇多咗，甚至係少咗？

6. 咁得個講字，就冇任何結論。當然有數字睇，睇excess death，睇未有肺炎嘅年份一年死幾多人，同埋而家相比，咪睇得到。答案當然係，肺炎死嘅人，多過potentially 因為封城而「救返」嘅人

7. 咁既然有excess death，咩人最開心？錢鍾書話頭，首先係文人（＊），然後就係棺材舖殯儀館。

8. 加上香港啲評論，有啲又拎埋香港啲所L謂殯儀股嚟講，甚麼安賢園福壽園嗰啲（＊＊）。

9. 係喎，好似之前炒過一輪。作個故事都言之成理：多人死，咪有利殯儀館生意咯。即係好似王維基HKTV Mall咁之嘛，疫情受惠股

10. 真係？未必。埃汾本質上都係一個contrarian（＊＊＊），師承Peter Thiel （應好快寫文講佢）。聽到人講嘅嘢，特別係似乎唔係特別叻嘅人講嘅嘢，我可能唔出聲，但心入面經常諗，Really？
11. 多人死，殯儀館生意做唔切，當然可以借機加價，實有利盈利同股價。即係好似王維基HKTV Mall咁之嘛，疫情受惠股．好似係，除非唔係．

12. 至少在美國，就唔係

13. 其實你唔使好叻，亦唔使好了解美國，甚至亦唔使好了解個行業，諗真啲，都估到點解。

14. 但先講事實，美國有隻好出名嘅殯儀股，SCI，英文叫Service Corporation International – 美股就係呢樣好。首先，乜都有得企業化。第二，乜都有得炒。第三，就係個名夠虛偽。你話就咁叫「謝奀仔道館」「永福盛殯儀」（＊＊＊＊）咁，加埋件福伯咁嘅友企在門口，幾咁驚恐呢。正如坐監嘅，都有監獄股炒，CCA，CoreCivic，以前叫 Corrections Corporation of America．幾好聽。其實當REIT咁炒，本質上同酒店一樣，都係迎送生涯，管理掂啲客。

15. 咁呢隻SCI，疫情下表現，當然就認真麻麻。之前日日死人，但股價一樣高位跌三四成，近排先好返少少。

16. 點解？諗真啲咪知。疫情之下，仲畀你搞風光大葬幾千人聚集？梗係唔會啦。之前仲有殯儀館群組，你估真係死咗嘅客介紹多幾個幾死嘅客咩。

17. 根據從業員講，疫情之下，大家都係細搞，唔會再搞咁多嘢，有啲求其快手燒咗佢就算。最低消費算數，所以殯儀館就唔多過癮了。

18. 另外，不方便的真相係，經濟差嘛，工都冇得開。咁，先人嘅錢，意思意思，都係心意啫，慳得咪慳，先人會明白嘅。

19. 所以做生意嘅嘢，只得量又係唔夠，仲要做好個單價。殯儀館呢壇嘢，明顯見到個量升，係補唔到價跌嘅。全行都係。

20. 但又話說回頭，最近SCI股價又回勇返。好似因為出咗業績，仲keep到派息，仲贖回返之前嘅債券。底子厚呀下。其他同業就肯定苦苦經營。所以似乎係炒行業整合大食細？每次危機都有呢啲嘢。

（＊）一代才子錢鍾書在《圍城》入面寫嘅（https://bityl.co/3BNq）：「文人最喜歡有人死，可以有題目做哀悼的文章。棺材店和殯儀館只做新死人的生意，文人會向一年、幾年、幾十年、甚至幾百年的陳死人身上生發」—本書非常好睇，死前必睇。我細個睇都仲未明晒，而家就更加明入面嘅大智慧。

（＊＊）實情其中一間請過我食飯，但我都唔記得係邊間，所以都冇乜所謂（亦證明呢啲飯冇乜用，人地食完都唔記得你）。反正大圍飯，好多人去。嘢食就不甚那個啦，好普通酒樓一間。不過放心，八道菜的，亦唔係去殯儀館食。正如大家樂見分析員，都唔會同你食大家樂。「至少都去阿二靚湯啦」（講笑的）

———————————————————
Ivan Patreon 狼耳街華人，一個星期至少三篇，一個月一舊水唔使，兩星期已超過400人訂，仲有兩篇免費試睇：https://bit.ly/31QmYj7

———————————————————

（＊＊＊）但其實我係一個conforming contrarian．人生就係充滿矛盾。正如我係悲觀嘅樂觀者，外向嘅introvert，貪錢嘅文青，偏左嘅右翼。

（＊＊＊＊）呢度真係屯門友回億。謝奀仔仲存在，仁愛街市對面，而家好似叫謝奀仔紙號，但當年（三十年前）我幾肯定係叫謝奀仔道館。至於永福盛殯儀亦都仲存在，何福堂對面。童年陰影。點解？細個住兆康，成日坐67M定67X，夜晚就停在何福堂個站。就係呢間嘢前面停。佢老味就係有幾副棺材，加埋個福伯咁。夜晚返屋企驚驚。而我細個一路以為係　永福—盛殯儀。不過我好早就知係　商務—印書館，唔係商務印—書館。證明我都係食文化飯，唔係殯儀飯。

————————————————————————————————
最新收費影片：點解買金？點樣買金？點解港紙好快會下試7.85？咩公司20年冇減過派息？仲有咩疫情受惠公司少人講？

簡介及以前嘅片（未睇可訂）：https://bit.ly/3iYMD0F
報名嘅，課程編號CC007：https://bit.ly/3ahugA3
報完名交咗錢，呢度log in：https://bit.ly/3gYXu9e
之後按最頂「按此觀看」就得
仲搞唔掂嘅，睇埋下面，或者搵客服，或者PM我。
-------------------------------------------------------------------------------
內容:
*美元弱勢，港紙將更弱勢
*紙將將由7.75趺落7.85
*買黃金:美元受壓銀紙亂印
*買黃金的四個實戰方法
*另類疫情受惠股
本星期內特惠售價: $80
課程編號：CC007
觀看期限：首次播放後一星期及限每影片４次
客服whatsapp: 63832145

［辰衝執笠我其實好心涼］當然係私人恩怨。但童年陰影，我由六四之前忍到而家！卒之可以爆！四千字！大量粗口同負能量。自己睇路

話時話，呢排記得keep 住like and share，主動入嚟睇，同埋設定做see first．真係搵食艱難。但感激大家，Keep住做，呢排啲Reach係好返好多的，但唔好鬆懈。一個都不能少呀

TL：DR – 店大欺客白鴿眼。門高狗大，文化界陸羽。我廿年冇去過。你懷念乜柒前，最好計下你過去廿年幫襯咗幾多錢。

1. 大量粗口同負能量，不喜勿入。睇嘅後果自負。拿，我平時都文都粗口。都仲warn 你，咁真係好大量。即係個四川人煮嘢畀你都叫你小心辣，自己睇路。先屌辰衝，再屌偽文青

2. 小小嘩眾取寵，但係真的。當然係私人恩怨講起，唔係咩好大件事。你可以當係好似施永青聖誕節（https://bit.ly/39Gwr00）嘅童年陰影

3. 有人話唔應該幸災樂禍。好似係。但我更不能接受虛偽，既然我咁諗，就咁寫。唔通我寫篇文「懷念辰衝」？我做唔到。況且，其實好多人都係幸災樂禍，你同我都係。我肯定我今晚橫屍街頭，一樣好多人好開心開香檳慶祝。我而家只係行使返我應有嘅權利。至於失業嘅員工？咁我又唔係因為有人失業好開心。我係因為佢執笠好開心啫。正如你買中經濟爆煲賺好多錢，唔等於你係因為有人跳樓而好開心。

4. 無數咁多人可以證明，我係一個愛書人，亦係一個鍾意行書店嘅人。況且我鍾意睇實體書（咁當然我都有Kindle），亦會真係行書店，唔係去打卡買文具飲高糖奶茶做偽文青。

5. 咁當然，愛書人呢啲，睇你用咩標準。其實好多爭拗都係，睇你用乜標準。你可以話我好廢都得架，你可以話我好窮都得，睇你同咩人比。霍建寧你都可以話「打工仔之嘛」，「大劉嗰啲先係有錢」。大劉你都可以話唔係真富豪架，「Jeff Bezos嗰啲先係有錢」。Jeff Bezos好叻咩？咪又係離婚。一定可以搬到你自己開心的。

6. 咁所以，肯定更多人比我更愛書局，唔使出嚟挑機。好似我所有嘢都係咁，好多嘢都識啲，但冇一樣好精，狐狸嘛。好多嘢我都有興趣（火麒麟嘛，當然包括埋《火麒麟》），但冇一樣去到極沉迷。有人（例如 高天佑）當我係港產（爛）片之鬼，我話佢知，你知你真係未見過junkie（＊）

7. 講返，作為一個適度嘅愛書人，行書店嘅人。辰衝真係算係我童年陰影。點解？因為店大，欺客，白鴿眼，扮撚晒嘢。識英文好巴閉？

8. 當年我只係小學雞，出城，海港城添呀。應該老豆帶我出去，咁老豆一向都放任政策。咁我都話我係愛書小朋友，梗係行書局。咁我入去睇，你老味丫，同我講英文。大家中國人（！）做乜要講英文？咁我問佢，有冇中文書啦。佢先好不情願咁同我講：我地呢度只係賣英文書架小朋友

9. 你老味丫！1997快些到吧！（當時應該係88/89年）。易酒酒切，易酒酒切。（＊＊）

10. 時間過咗幾年，我卒之識講英文。雖然未97，但去到樂道嗰間辰衝，即係而家執嗰間。依然係咁嘅華人與狗嘅態度，好似變咗講中文，但一樣係不可一世嘅買辦嘴臉，十問九唔應，唔憂做。我覺得，「漢奸」就係咁上下款。佢態度就係話我知：牛屎仔，你識英文咩？睇玉郎漫畫啦你。

11. 就咁？係呀。就只係咁。後來就真係1997，我就英文拎咗個B，我睇好多英文書。但我一撚次都冇去過辰衝。一撚次都冇。一次都冇撚去過！

12. OK，完全係我廿幾年前嘅童年陰影。你可以話我知你去到人地對你十分親切，或者係我樣衰，或者係我人必自侮然後侯姆斯。隨你。反正你改變唔到我點睇，亦改變唔到佢執笠嘅命運。你攻擊我你好過啲嘅，be my guest （呢句肯定唔係辰衝教我）

13. 但，而家，我見到一片哀號，無病呻吟。呢個又「一個時代的終結」（廢話，求其一間邪骨畀人掃你都可以話「一個時代的終結」），一係又「細細個去開」（咁使唔使懷念百人一朱？我去百人一朱肯定多過去辰衝），嗰個又「香港容不下一間書店」（我咁多年去咗邊買書？），甚至係「香港大陸化又一步」（講嘅應該冇撚返過大陸去大陸嘅書店，何止英文書？法文書俄文書都大把）

14. 我就真係不得不講，賤人就是矯情，get a fucking life 啦。

15. 任何人，懷念辰衝，懷念乜乜之前。唔該，你幾多年冇幫襯過？你幫襯過幾多錢？我敢估，絶大多數人，過去廿年去辰衝使嘅錢，唔會多過你去一次日本，或者食一次米芝蓮兩星。你在辰衝一年用到幾百蚊嘅，你就有資格懷念啦。否則？阿叔食碟牛肉都唔止。

16. 既然人人都冇幫襯，咪即係間嘢唔掂咯。資本市場，有幾撚難明？咁，有乜撚嘢好懷念？固然邏輯撚可以話，我可以又懷念日本又懷念米芝蓮又懷念辰衝，冇衝突。咁你都幾撚忙，同幾濫情。懷念用得多，自然唔值錢。你見個女仔條條仔分手佢都要割脈嘅，唔係代表個個佢都愛，係個個佢都唔愛，佢最愛佢自己，明冇？仲唔明？咁請睇返第14段

17. 我唔知幾時開始，個城市變得咁撚虛偽。肯定丘世文去辰衝嘅年代唔係咁。（放心，呢本書當然唔係在辰衝買，人地巴撚閉唔賣中文書）

18. 但凡乜鬼老店執笠，偽文青定必打卡，排隊幫襯，嘩我好唔捨得。借問聲，先生你對上一次幾時幫襯？原來係梁振英做緊特首嗰時。根本有好多老店，係死有餘辜嘅。銅鑼灣SOGO後面果間乜鬼麵家話？屌你，污糟到仆街。你同女神去食我包你嗰晚食自己（或者行過啲上富士山。點解SOGO行過啲係富士山？你懂的）

19. 唔止，連麥當勞執笠都有人要懷念。又唔係黑心企業地產霸權了。最撚戇鳩莫過於係話地產霸權迫走麥當勞—我屌！麥當勞自己咪做地產（https://fbook.cc/3D3T）！本城有幾戇鳩同虛偽，又一示範。（所以記得睇本Page，比別人知得多。仲要睇《明報》）

20. 即係，灣仔永華麵家（已死）。我一年食十次八次，唔敢話熟客。但比好多人去得多。執笠嗰時？咪又係一街懷念。但明明之前我見港女又嫌污糟，又話人四十幾蚊碗雲吞麵好貴，三十幾蚊碗紅豆沙好貴。仆街你食一風堂啲味精水成舊水就唔撚貴。哦人地拉麵有象人精神，但一風堂唔撚係象人精神下話？當年美心未係藍店都係咁話。況且根本日本嘅一風堂都冇象人精神啦！

21. 永華就真係好食（本人覺得）。問題係，咁爽，不如你去做丫？你估日日挫竹昇麵好過癮？我肯定挫竹昇妹（或仔）好玩啲。人地就托搭咁早起身，挫撚到生痔瘡，等你啲文青平時就唔幫執，執笠就嚟打卡。（https://bit.ly/2CUrlBd）

22. 講開沙田麥當勞執笠，唔止，連商務執笠都有人懷念。媽媽咪亞。又唔係三中商邪惡集團了。更甚者，甚至有人話「商務印」。可見本城嘅文化程度有幾高。（＊＊＊）

23. 真的，你鬧都好，對我成長最大影響，唔係辰衝，係商務同三聯。特別係商務。好簡單，因為細個屯門八佰伴，就有間商務。我老母同啲姨媽咩去行街搞大半日，我就自己去商務睇書，乜都睇。睇到八佰伴播散場音樂。睇咗好多，好多書。

24. 時間再早少少，我小學雞時，我地年代邊撚有乜鬼遊學團。暑假最有建議性嘅嘢，就係我老母踢我去仁愛堂（唔知邊度？有冇睇《古惑仔戰無不勝》？）學乜學物。當年佢嘅得意之作，包括書法班啦（哈哈哈），游水班啦（哈哈哈）。基本上學嗰樣衰嗰樣。

25. 但我仲會偷偷地走去田家炳圖書館。細細個我就睇晒兒童圖書館嘅書咁滯（！），走去睇成人圖書館！可惜係冇成人封物睇。開頭黎巴嫰人（librarian 是也）仲會阻止我，但後來見我咁好學，又唔會出聲，根本就已經次次都放我過去。

26. 仲有咩書店對我大影響？誠品啦。當然係台北。但當然我第一次去台北已經係2008年嘅事。誠品以可以打書釘出名大家知啦，加上台灣舖頭大，當時又未咁撚多香港文青去，又開通頂，十分好的。

27. 英文書？Page One咯。又係海港城。不過我記得唔係辰衝原本個舖，辰衝在海洋中心，丘世文就係去嗰間辰衝。又一城店我去得仲多。有冇話你知有一期我在浸會返暑期工？係呀，Page One，商業化。都痴撚線。賣書梗係商業，唔通工業？

28. 仲有乜？眾多二樓書店（同樣地，當有人問「二樓書店」在邊，你可以當呢個人係唔去書店嘅，正如我朋友教煮送，有人舉手問「萬年油」在邊買）。迫係迫啲架啦，但至少任你揭。仲有，嗰啲佬（好少有後生仔，女就更加少），有問必答。我都話，好多而家嘅店員，連自己份工都冇尊重過。

29. 講呢啲做乜？拿，呢啲先係好書局，先係幫到新界西成長（此處新界西唔係地名，係人種）。開書局，你理應係放低個門檻，等更多人接觸到。唔撚柒係變成書店陸羽，西口西面（但又我去陸羽咁多次都冇畀人西口西面）。我知，租貴，唔好混吉打書釘—但我講緊1988年喎。租貴？今朝剛睇到，舒利亞當年今日轉會布力般，三百萬鎊，英國紀錄。

30. 講到尾，我最不滿辰衝，係嗰種偽知識份子嘅傲慢。仆街丫，你開書局咋，你PhD in 吹蕭？多得之後有其他書局，我先學到好多嘢。

31. 鬧咗三千字。好簡單，一間根本冇乜人幫襯嘅書店執笠（況且只係執一間實體店），有乜好懷念？華僑日報執笠嗰時你有冇懷念？一份冇乜人睇嘅報紙執笠，唔代表報業收檔。正如一間冇人去嘅書店執笠，不代表書店收檔—雖然其實都係慢慢死亡，所以，慳返啲時間懷念其他書店啦

32. 留意成篇嘅大調，其實同我平時嘅價值好似唔同。埃汾係「精英主義」嘅，最好上網要考牌，唔識基本英文嘅，對好多話題應該冇發言權。我識嘢多過你，當然係我講，唔係你講。但呢個情況真係唔同：我冇阻止任何人去睇多啲書（我次次都叫人「讀多幾年書先」），我冇覺得知識應該係某啲人嘅專利。只係認為你冇知識前應該shut the fuck up．但辰衝呢類白鴿眼，未必有心，但事實係阻礙阻知識嘅傳播。亦見到英殖有幾好　—　但1997一到，你就時辰到。唔係共產黨，而係有互聯網，有亞馬遜。我仲使去睇撚你面色？

33. 對，我係贊成知識門檻應該低—但前題你要尊重知識。但，DK Effect嘛，越係唔撚識嘢嘅嘢，就越大聲。

（＊）有套戲叫《戰　無雙》，熊欣欣導演，蔣璐霞李燦琛張兆輝主演，陣容唔差，但套戲票房係327蚊　—　而我朋友有份入場！（https://bit.ly/3g7wkNn），套戲只係在天水圍平日日頭上過兩場，睇過嘅應該五六條友。我朋友係其中之一，呢啲就高手！

（＊＊）冇錯係瀋陽姑娘艾敬嘅《我的1997》。我推介你睇我朋友胖企鵝寫嘅文　「香港 香港 怎麼那麼香？」－－艾敬的1997（https://bit.ly/2P4oGHK）。仲有　黃家駒的《大陸情人》（https://bit.ly/2DhlRQE）。黃家駒唱嘅《情人》，原本係叫《大陸情人》。童年崩壞未？原本曲中主角就係北姑艾敬。但放心，搞北姑嘅係劉卓輝。呢兩篇文真係好睇。「東區走廊，我有份起架」。篇文我冇份嘢，胖企鵝唔係我徒弟—但佢係睇我嘅文大。唔止，高天佑都話睇我嘅文大。可見我好老。但，所謂生命影響生命，就係咁。

（＊＊）再講一次，係「商務—印書館」，唔係「商務印—書館」。係「蘋果—動新聞」，唔係「蘋果動—新聞」。之前有單新聞，證監批「飛尚非」 股權高度集中 。間嘢叫「飛尚非金屬」。以前做節目有觀眾問「天化工」362，間嘢叫「中國天化工」。關公係「漢壽—亭侯」，唔係「漢—壽亭侯」。不過「一生愛錯放你的手」點讀，問返張宇（其實係問佢老婆）

————————————————————————————————
最新收費影片：第一次推介跑贏大市，同你回顧檢討下。仲有新推介。40分鐘，都係賣返$80

簡介及以前嘅片（未睇可訂）：https://bit.ly/3iYMD0F
報名嘅，課程編號CC006：https://bit.ly/3eXVX1K
報完名交咗錢，呢度log in：https://bit.ly/3gYXu9e
之後按最頂「按此觀看」就得
仲搞唔掂嘅，睇埋下面，或者搵客服，或者PM我。
-------------------------------------------------------------------------------
【最新李聲揚收費影片】題目:　回顧第一段專欄片有幾勁！今段落多幾個Number賺死你！40分鐘，都係賣返$80

影片/課程編號：CC006
播放平台：https://homebloggerhk.com/web-class-player/
付款及收看步驟：
1/點擊報名收看 [影片/課程編號：CC006]
2/利用信用卡網上付款
3/及後有登入資料可以立即收看
查詢：whatsapp 63832145